Dual Panel1Untu’ pamimping kor. Mazmurna Daud. (13-2) Gangka kégi Muwallupaika oh PUWANG? Gangka kégi mallekke’-Ko polé ri aléku?
2(13-3) Gangka kégi harusu’ka tanggungngi asussangngé, sibawa messé ati puppu esso? Gangka kégika rikuwasai ri balié?
3(13-4) Itaka, oh PUWANG Allataalaku, balini sempajakku. Palisuni awatangekku, sibawa aja’ taleppessakka maté.
4(13-5) Aja’ taleppessangngi balikku makkeda makkedaé pura nacauka mennang. Aja’ taleppessangngi mennang gora-goraika.
5(13-6a) Saba’ uwattuwangngi pammasé-Mu, na umariyo-riyo matu nasaba Mupassalama’ka.
6(13-6b) Maéloka makkélong untu’ PUWANGNGE, saba’ purai Napogau’ makessingngé lao ri iyya!