Alkitab Mobile SABDA
[VER] : [GULLAH]     [PL]  [PB] 
 <<  1 Tesalonika 3 >> 

1So den, wen we ain been able fa stan um no longa cause we ain yeh nottin fom oona, we figga e mo betta fa we fa stay by wesef ta Athens.

2An we done sen we broda, Timothy, fa go see oona. E wok togeda wid we, da do God wok, da tell people all roun de Good Nyews bout Christ. We sen um fa courage oona an hep oona fa trus Christ mo an mo,

3so dat ain one ob oona gwine ton back fom trus Christ, eben dough people da mek oona suffa fa e sake. Oona know fa true dat dis kind ob suffrin dat come ta we wa bleebe, cause dat paat ob wa God pick fa we.

4Wen we stillyet been dey wid oona, we beena tell oona say, dat de time gwine come wen people gwine mek we suffa. An oona know, fa sho, dat dat jes wa happen.

5So cause A ain been able fa wait no longa fa yeh bout oona, A done sen Timothy fa find out bout how oona fait stan. A been consaan dat somehow de debil wa da tempt, coulda come tempt oona an all we wok dey wid oona woulda gone fa nottin.

6Bot now, Timothy done come back fom oona, an e done tell we nyews bout oona dat mek we heppy. E tell we say, dat oona keep on trus een Christ an lob one noda. An e tell we say, dat oona glad all de time wen oona memba we, an dat oona wahn fa see we, jes like we wahn fa see oona.

7So den, we bredren, spite ob all we trouble an suffrin yah, wen we memba oona, we haat heppy. Oona trus een Christ da courage we.

8Cause oona ain leh nottin stop oona fom waak scronga een de way ob de Lawd, now we life wot nottin fa true.

9Neba we kin tell God tankya nuff fa oona, fa all de joy een we haat wa God da gii we cause ob oona.

10Day an night, we da aks um wid all we haat fa leh we come see oona, face ta face, an leh we hep mek oona trus een Christ mo scronga, da laan oona waeba oona ain know yet.

11We da pray dat God we Fada an we Lawd Jedus Christ gwine open op de way fa we fa come ta oona.

12An we pray, too, dat de Lawd mek oona lob one noda an all oda people mo an mo, jes like we da lob oona.

13Dat de way we Lawd gwine mek oona scrong een oona haat. Den oona ain gwine hab no sin an oona gwine be God own people fa true, wen oona stanop fo we Fada God, een dat time wen we Lawd Jedus gwine come wid all dem wa blongst ta um.


  Share Facebook  |  Share Twitter

 <<  1 Tesalonika 3 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran