Alkitab Mobile SABDA
[VER] : [GULLAH]     [PL]  [PB] 
 <<  1 Yohanes 5 >> 

We Win Out Ginst de Wol

1De one wa bleebe dat Jedus, e de Messiah Christ, dat one, e God chile. An de one wa lob de fada gwine lob e chile too.

2Wen we lob God an do wa e chaage we fa do, dat how we know we lob God chullun.

3Cause we lob fa God mean dat we do all wa e chaage we fa do. An wa e chaage we fa do ain haad fa we fa beah.

4Cause de one wa God chile, e da win out ginst de wol. Fa true, we win out ginst de wol cause we bleebe pon Jedus.

5Who dat kin win out ginst de wol? De people wa bleebe dat Jedus God Son, dey de onliest one dem wa win out ginst de wol.

De Witness Bout Jedus Christ

6Jedus Christ, e de one wa come by wata an by blood. E ain come jes by wata. E come by wata an blood, all two. God Sperit, e de witness. E mek we know dat true, cause de Sperit de trute.

7Dey be shree witness dey een heaben: de Fada, de wod an de Holy Sperit. All shree dem, dey one.

8An dey be shree witness een de wol: God Sperit, de wata an de blood. All shree dem taak de same ting, da gree pon um.

9We wahn fa bleebe wa people say. Bot wa God say, dat way mo greata den wa people say. An God de witness, da say dis bout Jedus e Son.

10Ebrybody wa bleebe een Jedus God Son, dey got dat witness, de ting wa God say, dey een dey haat. Bot ef somebody ain bleebe wa God say, dat one dey da say God ain taak de trute. Cause dat one ain bleebe wa God say as a witness bout e Son.

11De ting wa God say, e dis: God gii we de true life wa gwine ain neba end. An dis life een e Son.

12De one wa hab God Son een e haat, e got dis true life. Bot de one wa ain hab God Son een e haat, e ain got dat life.

De Life wa Ain Neba End

13A da write dis ta oona wa bleebe pon de name ob God Son. A da write oona fa mek oona know dat oona hab de true life wa ain neba end.

14We trus God sommuch dat we bleebe fa true dat wen we aks God fa wa eba ting e wahn we fa hab, e da yeh we.

15An wen we know e da yeh we wen we aks um fa sompin, we know fa true e gii we dat ting.

16Ef somebody see e broda sin, an dat sin ain a sin wa fa true gwine mek de sinna dead, e oughta pray fa dat broda. An God gwine gim life. Bot dey a sin wa fa true gwine mek de sinna dead. A ain da tell oona fa pray ta God bout dat.

17Any ting dat people do wa ain right, e sin, bot dey a kind ob sin wa ain haffa mek de sinna dead.

18We know dat no chile ob God gwine keep on da sin. Cause God Son da keep um safe, an Satan, de Ebil One, cyahn do um no haam.

19We know dat we God own chullun, an de Ebil One da rule oba all de wol.

20An we know dat dat Son ob God done come an e gii we de ondastandin fa know de true God. We da lib een de God wa true, een e Son, Jedus Christ. Dis de true God an de true life wa ain neba end.

21Me deah chullun, mus dohn hab nottin fa do wid no idol. Amen.


  Share Facebook  |  Share Twitter

 <<  1 Yohanes 5 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel