Alkitab Mobile SABDA
[VER] : [GULLAH]     [PL]  [PB] 
 <<  Wahyu 4 >> 

John See Eenside Heaben

1Atta dat, A see noda bision. A see a do open oba deyso een heaben. An A yeh dat boice wa soun same like a trumpet, de same boice wa A been yeh fo. E tell me say, “Come op yah, an A gwine show ya dem ting wa haffa happen atta dis.

2Jes den Go Sperit come pon me. Dey een heaben A see one trone, a big chair wa king kin seddown pon. An A see somebody sittin pon um.

3A see um wa sit dey da shine jes like dem precious shinin stone wa dey call jaspa an carnelian. An a rainbow wa da shine jes like de fine stone wa dey call emerald been dey all roun de trone.

4Twenty-fo oda trone been dey all roun de fus trone. An A see twenty-fo elda, dem big leada, da seddown pon dem trone. Dey beena weah white cloes, an gole crown been pon dey head.

5Lightnin beena flash fom weh de fus big trone been dey. Tunda beena roll, an plenty loud noise beena come fom dey. Dey een front ob de trone seben lamp dem beena bunin bright. Dem seben lamp yah dey God seben sperit dem.

6Fo dat trone A see sompin wa look jes like a sea wa dey tek glass fa mek an dat sea cleah like crystal. All roun de trone, een de front an back an side, fo ting wa got life beena stan op. Dey got eye all oba dey body, front an back.

7De fus ting wa got life look jes like a lion. De secon one look jes like a ox. An de shree one got a face wa look jes like de face ob a man. De one wa mek fo beena look jes like a eagle wa da fly.

8All fo ob dem ting wa got life, dey got six wing, an dey been kiba all oba wid eye, eben onda dey wing. All day an all night dey da taak ta God. Dey ain neba stop fa tell God say, “We Lawd God got powa mo den all. E holy, holy, holy. E been dey fo de wol been mek, E dey now an e gwine come back.”

9Dem fo ting yah wa got life dey da praise de one wa gwine lib faeba an eba, wa da seddown pon de trone. Dey da gim hona an tell um tankya.

10Weneba dey do dat, de twenty-fo elda dem git down fo de one wa da seddown pon de trone. Dey da woshup um op, e wa gwine lib faeba an eba. Dey tek de crown dem off dey head an cyas um fo de trone. An dey tell dat one pon de trone say,

11“We Lawd an we God. Ya got de right fa we fa git down fo ya an praise ya an gii ya hona an show ya got powa, cause ya de one wa mek all ting. Ya mek um an gim life cause ya wahn fa do dat.”


  Share Facebook  |  Share Twitter

 <<  Wahyu 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel