Alkitab Mobile SABDA
[VER] : [KARO]     [PL]  [PB] 
 <<  1 Yohanes 1 >> 

Kata si mereken kegeluhen

1Isuratken kami man bandu kerna Kata si mereken kegeluhen, si nggo lit ope denga kai pe lit. Nggo ibegi kami Kata e, nggo idah kami alu mata kami; tuhu-tuhu nggo idah kami, janah nggo pe idadap kami alu tan kami.

2Kenca kegeluhen e ncidahken DiriNa, nggo idah kami Ia, emaka ngerana kami kerna si e, janah ituriken kami man bandu kerna kegeluhen si tuhu-tuhu si la erkeri-kerin si lit i bas Bapa si nggo ipetangkas man kami.

3Kai si nggo idah kami dingen ibegi kami e, iberitaken kami man bandu pe gelah kam ikut ras kami ersada ras Bapa dingen ras AnakNa Jesus Kristus.

4Isuratken kami enda man bandu gelah kuh keriahenta.

Dibata kap terang

5Enda me berita si nggo ibegi kami i bas AnakNa e nari janah ipeseh kami man bandu: Dibata terang kap janah la lit sitik pe si gelap i bas Ia.

6Dage, adi ninta ersada kita ras Ia, tapi nggeluh kita i bas gelap, erbual kap kita i bas kata ras perbahanenta.

7Tapi adi nggeluh kita i bas terang bali e ras Ia nggeluh i bas terang; lit persadanta sapih-sapih kita janah kematen Jesus, AnakNa e mbersihken kita i bas kerina dosa nari.

8Adi ninta maka la lit dosanta, sitipu kap dirinta, janah Kata si tuhu-tuhu i bas Dibata nari la lit i bas kita.

9Tapi adi siakuken dosanta man Dibata, IsehkenNa me PadanNa, IlakokenNa kai si bujur, IalemiNa dosa-dosanta, janah IbersihkenNa kita i bas kerina perbahanenta si payo.

10Adi ninta maka la kita erdosa, perbual kap Dibata e sibahan, janah KataNa la lit i bas kita.


  Share Facebook  |  Share Twitter

 <<  1 Yohanes 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel