Dual PanelSensus si peduaken
1Nggo kenca lepas penakit si mehantu e ikataken TUHAN man Musa ras man Eleasar anak Harun nina,
2"Bahanlah sensus rikutken keluarga-keluarga i bas kerina perpulungen bangsa Israel, gelah ikira kerina dilaki si umurna dua puluh tahun ntah pe lebih, si ngasup jadi tentera."
3Iikutken Musa ras Eleasar kata TUHAN, jenari ipepulungna kerina dilaki si asa e umurna. Pulung ia kerina i bas kendit Moap i kepar-kepar Lau Jordan petingtang ras Jeriho. Enda me kalak Israel si ndarat i Mesir nari:
4(Bil 26:3)
5Suku Ruben (Ruben eme kap anak Jakup sintua): terpuk-terpukna eme kap Enoh, Pallu,
6Hesron, ras Karmi.
7Terpuk-terpuk enda teremna kerina lit 43.730 kalak dilaki.
8Kesusuren Pallu eme Eliap,
9ras anakna Nemuel, Datan, ras Abiram. (Datan ras Abiram enda eme kalak si ipilih perpulungen.) Isimbakna Musa ras Harun jenari ergabung ia ras pengikut-pengikut Korah asum ia berontak ngelawan TUHAN.
10Beka taneh jenari itelenna ia kerina, janah mate ia ras Korah ras pengikut-pengikutna asum reh api mangani dua ratus lima puluh kalak; enda kerina jadi sada pertenget man bangsa e.
11Tapi anak-anak Korah la ibunuh.
12Suku Simeon: terpuk-terpukna eme kap Nemuel, Jamin, Jakin,
13Sera, ras Saul.
14terpuk-terpuk enda teremna kerina lit 22.200 kalak dilaki.
15Suku Gat: terpuk-terpukna eme kap Sepon, Haggi, Suni,
16Osni, Eri,
17Arot, ras Areli.
18Terpuk-terpuk enda teremna kerina lit 40.500 kalak dilaki.
19Suku Juda terpuk-terpukna eme kap Sela, Peres, Sera, Hesron, ras Hamul. (Dua kalak i bas anak-anak Juda, Er ras Onan, nggo mate i taneh Kanaan.)
20(Bil 26:19)
21(Bil 26:19)
22Terpuk-terpukna enda teremna kerina lit 76.500 kalak dilaki.
23Suku Isakar: terpuk-terpukna eme kap Tola, Puah,
24Jusup, ras Simron.
25Terpuk-terpuk enda teremna kerina lit 64.300 kalak dilaki.
26Suku Sebulon: terpuk-terpukna eme kap Seret, Elon, ras Jalel.
27Terpuk-terpuk enda teremna kerina lit 60.500 kalak dilaki.
28Suku Jusup, anakna lit dua kalak, Manase ras Eperaim.
29Suku Manase: anakna Mahir. Anak Mahir eme kap Gileat, janah terpuk-terpuk si tersurat arah teruh enda eme kap kesusuren Gileat:
30terpuk-terpuk Jeser, Helek,
31Asriel, Sikem,
32Semida, ras Heper.
33Selopehat anak Heper la lit anakna dilaki, tapi diberu ngenca; gelar-gelarna eme Mahlah, Nuah, Hogelah, Milkah, ras Tirsah.
34Terpuk-terpuk enda teremna kerina lit 52.700 kalak dilaki.
35Suku Eperaim: terpuk-terpukna eme kap Sutela, Bekar, ras Tahan.
36Terpuk Eran eme kap kesusuren Sutela.
37Terpuk-terpuk enda teremna kerina lit 32.500 kalak dilaki. Enda me terpuk-terpuk kesusuren Jusup.
38Suku Benyamin: terpuk-terpukna eme kap Bela, Asbel, Ahiram,
39Sepupam, ras Hupam.
40Terpuk Ared ras Naaman eme kesusuren Bela.
41Terpuk-terpuk enda teremna kerina lit 45.600 dilaki.
42Suku Dan terpukna eme kap Husim,
43teremna lit 64.400 kalak dilaki.
44Suku Aser: terpuk-terpukna eme kap Imna, Ispi, ras Beria.
45Terpuk-terpuk Heber ras Malkiel eme kap kesusuren Beria.
46Aser lit sekalak anakna diberu, Serah gelarna.
47Terpuk-terpuk enda teremna kerina lit 53.400 kalak dilaki.
48Suku Naptali: terpuk-terpukna eme kap Jahsel, Guni,
49Jeser, ras Silem.
50Terpuk-terpuk enda teremna kerina lit 45.400 kalak dilaki.
51Jumlah kerina dilaki kalak Israel eme 601.730 kalak.
52Nina TUHAN man Musa,
53"Bagi-bagi taneh e man kerina suku-suku e, sue ras beliganna tep-tep suku.
54Bagiken taneh e alu erbahan tikam tanduk, jenari bereken lah bagin si mbelang man suku si nterem jumlahna, janah bagin si kitik man suku si kitik."
55(Bil 26:54)
56(Bil 26:54)
57Si subuk ku bas suku Lewi eme kap terpuk-terpuk Gerson, Kohat ras Merari.
58Kesusuren si telu kalak enda eme kap Lipni, Hebron, Mahli, Musi, ras Korah. Anak Kohat eme Amram,
59si ngempoi Johebet, anak Lewi si tubuh i Mesir. Anak Amram si tubuh i bas Johebet nari lit dua kalak dilaki, Harun ras Musa, ras sekalak diberu Miriam gelarna.
60Anak Harun lit empat kalak dilaki eme Nadap, Abihu, Eleasar, ras Itamar.
61Nadap ras Abihu mate tupung ipersembahkenna api si la badia man TUHAN.
62Kerina dilaki i bas kalak Lewi si umurna sada bulan ntah pe lebih lit 23.000 kalak. Ia kerina serap isuratken i bas kalak Israel si debanna, sabap man bana la ibereken erta-erta i Israel.
63Kerina terpuk-terpuk enda isuratken Musa ras Eleasar asum ibahanna sensus man bangsa Israel i bas kendit Moap i kepar-kepar Lau Jordan, petingtang ras Jeriho.
64Sada pe lanai lit tading i bas kalak si isuratken Musa ras Harun asum sensus si pemena i gurun pasir Sinai.
65Kerna si e nggo ikataken TUHAN maka kerina ia la banci la mate i bas taneh si mesawang; janah payo me tuhu nggo jadi bage, seakatan Kalep anak Jepune ras Josua anak Nun.