Alkitab Mobile SABDA
[VER] : [KARO]     [PL]  [PB] 
 <<  Ibrani 5 >> 

1Kerina Imam si Mbelin ipilih i tengah-tengah manusia nari, jenari itangkuhken lako ndahiken dahin Dibata guna manusia, gelah ipersembahkenna pemere-pemere bage pe persembahen kerna dosa manusia.

2Erdandanken ia pe melala kekotenna, emaka kepate ia nandangi kalak si la erpemeteh dingen si papak.

3Janah erdandanken ia kote, arus ipersembahkenna persembahen, labo saja kerna dosa-dosa kalak tapi pe kerna dosa-dosana.

4Labo lit kalak milih dirina ndatken kehamaten jadi Imam si Mbelin. Dibata nge si ndilo kalak jadi Imam si Mbelin, bagi Arun nai.

5Bage me pe Kristus, labo Ia milih DiriNa guna ipehaga jadi Imam si Mbelin. Tapi Dibata ngataken man BaNa, "Kam me AnakKu; i bas wari enda Aku nggo jadi BapaNdu."

6I bas bagin si deban i bas Pustaka Si Badia ikataken Dibata ka pe, "Jadi Imam me Kam rasa lalap, rikutken golongen Imam Malkisedek."

7Paksa Jesus nggeluh i doni enda, ertoto Ia mindo alu serko ras iluh mambur man Dibata si ngasup nelamatken Ia i bas kematen nari. Erdandanken ipeteruk Jesus DiriNa dingen erpengendes man Dibata, ibegiken Dibata PemindonNa.

8Tapi aminna pe Jesus Anak Dibata, erlajar patuh Ia arah KiniseranNa.

9Erdandanken si e me maka kenca Ia serta ibahan Dibata, Ia jadi ulu keselamaten si rasa lalap, nandangi kerina kalak si patuh man BaNa.

10Janah itetapken Dibata Ia jadi Imam si Mbelin "rikutken golongen Imam Malkisedek."

Ula tadingken kiniteken

11Melala denga si arus ikataken kami kerna si enda, tapi mesera iakap kami nurikenca sabap kai pe melet kam ngangkasa.

12Si tuhuna nggo cukup kesempaten man bandu gelah banci kam jadi guru, tapi seh asa genduari perlu denga kam iajari i bas bena-benana nari kerna ajaren-ajaren Dibata. Langa bo kam man nakan keras, tapi minem susu denga nge kam.

13Kalak si arus denga minem susu, anak-anak denga kap ia, la ietehna kai si benar ras kai si salah.

14Tapi nakan keras e me guna kalak si mbelin, si arah pengalamenna ngasup perukurenna meteh apai si bujur apai si jahat.


  Share Facebook  |  Share Twitter

 <<  Ibrani 5 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel