Alkitab Mobile SABDA
[VER] : [KARO]     [PL]  [PB] 
 <<  Maleakhi 1 >> 

1Enda me kata TUHAN si IpesehNa man Maleaki gelah ituriken man bangsa Israel.

Kekelengen TUHAN man Israel

2Nina TUHAN man BangsaNa, "Keleng kal ateKu kam." Tapi erjabap bangsa e nina, "Kai tandana KekelengenNdu man kami?" Ngaloi TUHAN, "Esau ras Jakup tuhu ersenina, tapi Jakup ras kesusurenna nge si Kukelengi,

3janah Esau ras kesusurenna segat ateKu. Tanehna si erdeleng-deleng nggo Kuradasken dingen nggo itadingken jadi sikerajangen rubia-rubia si meliar."

4Adi kesusuren Esau kalak Edom ngataken, "Kota-kota kami nggo ikernepken, tapi ipajekken kami ka mulihi," emaka nina TUHAN njabapsa, "Pelepas ipajekkenna mulihi, Kurontasken nge pagi. Igelari kalak pagi ia 'Negeri si jahat' ras 'Bangsa si itembehi TUHAN rasa lalap.'"

5Iidah bangsa Israel alu matana jine emaka nina pagi, "TUHAN tuhu-tuhu mbisa i darat negeri Israel pe!"

Imam-imam irawai TUHAN

6Nina TUHAN si Mada Kuasa man imam-imam, "Anak mehamat man bapana, bage pe suruh-suruhen nandangi tuanna. Aku bapandu tapi ngkai maka la kam mehamat bangKu? Aku tuanndu, ngkai maka la ipehagandu Aku? Megombang kam bangKu, tapi nungkun ka kam nindu, 'I bas kai Kam igombangi kami?'

7Bagenda kap kam nggombangi Aku: alu mpersembahken pangan si keliamen i bas batar-batarKu. Kenca bage nungkun kam, 'I bas kai Kam la ipehaga kami?' Kukataken man bandu: alu encidahken maka la akapndu meherga batar-batarKu.

8Tupung ibabandu rubia-rubia si pentang jadi persembahen, la kin akapndu salah e? Tupung ibabandu asuh-asuhen si penakiten tah cempang jadi persembahen, la kin akapndu lepak e? Cubaken baba asuh-asuhen si bage man gubernur, akapndu kin meriah ukurna tah pe ngena atena kam?"

9Genduari, o imam-imam, cubaken pindo perkuah ate Dibata; nggit kin akapndu Ia megiken pertotonndu nginget perbahanenndu e?

10Nina TUHAN si Mada Kuasa, "Lit min sekalak i bas kam nari nutupken pintun Rumah Pertoton e gelah la banci kam pegara api si sea-sea i bas batar-batarKu. La sitik pe meriah ukurKu ngidah kam. La Aku nggit ngaloken persembahen si ibabandu.

11I bas tampuk doni nari ku tampukna si deban ipehaga kalak nge Aku. I japa pe itutung kalak kumenen enghamati Aku, dingen ipersembahkenna persembahen si mehuli. Mehaga gelarKu i tengah kerina bangsa-bangsa.

12Tapi kam megombang kal bangKu tupung ikatakenndu batar-batarKu e la lit ergana dingen ipersembahkenndu i je pangan si kam pe ciga atendu.

13Nindu, 'Latih kal pe ndahiken dahin enda!' Jenari mekarus kam man bangKu. Ipersembahkenndu bangKu asuh-asuhen tinangko, tah pe cempang, tah penakiten. Akapndu kin nggit Aku ngaloken persembahenndu e?

14Kena sumpah kap penipu si mpersembahken rubia-rubia si lit cacatna man bangKu, sedangken i bas rarasenna lit rubia-rubia si mejile si nggo ipadankenna iberekenna man bangKu! Sabap Aku kap Raja si Mbelin, janah kerina bangsa mbiar man bangKu."


  Share Facebook  |  Share Twitter

 <<  Maleakhi 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel