Pertoton mindo penampat
1Masmur Daud.
2Sampati aku TUHAN, kalak si bujur lanai lit tading kalak si mehuli ukurna lanai lit i japa pe.
3Kerina kalak melasken cakap la tuhu man kalak si deban. Salu cakap longgar, si tipun ia.
4O TUHAN, pesinik dilah kalak si percakap longgar! Sompel babah kalak si ngerana megombang.
5Nina kalak megombang, "Alu rananta dat kita kai ateta. Kai siakap mehuli sibelaskenlah labo lit si ngolangisa."
6Nina TUHAN, "Tapi genduari reh me Aku, erkiteken kalak musil nggo itindih dingen kalak si niayak-ayak kelsehen perban suina. Kubereken me man bana ketenengen si nggo ndekah iarapkenna."
7Padan TUHAN terteki kap sabap tulen bali ras pirak si nggo pitu kali iane.
8Kalak jahat i japa pe lit, kerina kalak muji-muji kejahaten. O TUHAN jagai min kami lalap.