Dual PanelTUHAN kap sekawalku
1Kutatap ku deleng-deleng, i ja nari kin reh penampatku?
2Penampat man bangku reh i bas TUHAN nari, si nggo njadiken langit ras doni.
3La kam IpelepasNa guling, sekawalndu lalap la madat MataNa.
4Sekawal Israel, la pernah madat MataNa, la tertunduh pe Ia.
5TUHAN kap sekawalndu, arah kemuhenndu kap Ia guna ngampang-ngampangi kam.
6La kam bangger ipar-pari las matawari tupung suari, ntah pe erkiteken sinalsal bulan tupung berngi.
7TUHAN kap sekawalndu i bas kerina mara nari, Ia kap si njagai geluhndu.
8Ia kap si ngkawali perberkat ras permulihndu, genduari nari seh rasa lalap.