Dual PanelKai kin si ituntut Dibata?
1Masmur Daud. O TUHAN ise kin banci bengket ku bas Rumah PertotonNdu? Ise kin banci ersembah i Sion, deleng si badia e?
2Kalak si patuh man Dibata i bas kai-kai pe, dingen lalap ngelakoken kai si benar, kalak si rananna benar dingen bujur,
3janah la ibelaskenna cakap la tuhu kerna temanna, kalak si la erbahan salah man temanna, si la encekuraki teman si deher rumahna.
4Kalak si ernalem man kalak si itulak Dibata, tapi mehamat ia man kalak si patuh kempak TUHAN. Kalak si ngkunduli padan si ibahanna, aminna pe arus rugi ia.
5Kalak si pepinjamken tapi la mindo bungana, kalak si la mereken sisip guna nalahken si la ersalah. Ise si ngelakoken si enda lalap nggeluh alu teneng.