Dual PanelRaja si ipilih Dibata
1Ngkai maka bangsa-bangsa ngerencanaken pemberontaken? Ngkai maka kalak erpekat erbahan si sea-sea?
2Raja-rajana berontak, penguasa-penguasa erpekat ngelawan TUHAN dingen ngelawan raja si IpilihNa.
3Nina kalak e, "Mari sipulahi banta i bas kuasana nari; mari siruntuhken kuasana."
4I bas kursi KinirajanNa i Surga nari tawa TUHAN iuru-UruNa sura-sura si sea-sea.
5IpersingetiNa kalak e alu PernembehNa, dingen IpebiarNa ia alu RawaNa si gara.
6Nina TUHAN, "I Sion, delengKu si badia, nggo Kutangkuhken rajangKu."
7Nina raja e, "Kumomoken me kai si iperentahken TUHAN. Nina TUHAN man bangku, 'Kam kap anakKu; sendah Aku kap jadi bapandu.
8Pindolah, maka Kubereken man bandu kerina bangsa-bangsa; kerina doni enda kam empuna.
9Alu ciken besi iperperkenndu ia kerina iripukkenndu seh getem bali ras kudin taneh.'"
10Genduari o raja-raja, begikenlah kata persinget enda, o kam pemerentah doni, begiken pelajaren enda:
11Sembahlah TUHAN alu gentar; erjimpuhlah i lebe-LebeNa alu mbiar.
12Ula sempat keke RawaNa jenari rempet kam mate IbahanNa. Malem kal ate kalak si ernalem man BaNa.