Alkitab Mobile SABDA
[VER] : [KARO]     [PL]  [PB] 
 <<  Mazmur 46 >> 

Dibata kap ras kita

1Ende-enden anak Korah.

2Dibata kap kecion dingen gegehta, lalap ia sikap nampati katawari kita i bas kesusahen.

3Emaka la kita gentar, aminna pe doni mundu-undu, janah deleng-deleng gedap ku teruh lawit;

4Aminna pe lawit ergalumbang dingen rugup-ugup, dingen deleng-deleng pe kumetter itendengna.

5Lit kap lau mbelin si mereken keriahen man kota Dibata, kota ingan tading Dibata si Meganjangna.

6I je kap Dibata ringan, emaka labo ndigan pe kernep kota e, sabap IberekenNa penampat tupung matawari pultak.

7Dibata erlenggur, emaka melengas doni enda; bangsa-bangsa gentar, kerajan-kerajan mugur-ugur.

8TUHAN si Mada Kuasa kap ras kita, Dibata nu Jakup kubu pertahanenta.

9Mari nehenlah perbahanen TUHAN, IbahanNa kesenggeten i doni.

10IpengadiNa perang i belang-belang doni enda, panah IripukkenNa, lembing IpenggelkenNa.

11Nina, "Pengadilah erperang, ertikenlah maka Aku kap Dibata. Aku kap si Meganjangna i bas bangsa-bangsa si Meganjangna i belang-belang doni enda." <46:12> - TUHAN si Mada Kuasa kap si ras kita, Dibata nu Jakup kubu pertahanenta.


  Share Facebook  |  Share Twitter

 <<  Mazmur 46 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel