Dual PanelPertoton mindo pengkawali
1Ende-enden Daud
2tupung kalak Sipi reh ngataken man Saul: "Daud cebuni man kami."
3O Dibata kelini min aku alu KuasaNdu, bereken keadilen erkiteken GegehNdu.
4O Dibata dengkehken min pertotonku, begiken min rananku.
5Sabap keke me kalak si megombang ngelawan aku, kalak merawa munuh aku atena, eme kalak si la erdiate man Dibata.
6Tapi Kam kap penampatku, o Dibata, Kam kap si natang geluhku.
7Bahan maka imbang-imbangku itindihi kejahatenna, kernepken min ia, sabap Kam setia man bangku. <54:8> - Alu ukur meriah kupersembahken persembahen man BaNdu, dingen ngataken bujur man BaNdu, sabap mehuli kap Kam o TUHAN. <54:9> - IpulahiNdu aku i bas kerina kiniseran nari, kuidah imbang-imbangku italuken.