Dual PanelPengenehenen kerna nahe lampu
1Malekat si nggo pernah ngerana ras aku e reh ka mulihi, jenari ingetina aku tempa-tempa tunduh aku ndube nari.
2Isungkunna aku nina, "Kai si iidahndu?" "Sada nahe lampu i bas emas nari," ningku ngaloi. "I datasna lit sada mangkuk ingan minak. I bas nahe lampu e lit pitu lampu, janah i bas tep-tep lampu lit pitu ingan sumbu.
3Jenari lit ka dua batang saitun deherken nahe lampu e, sada arah kawes, sada arah kemuhen."
4Kenca bage kusungkun malekat e, ningku, "Kai ertina e, tuan?"
5"La kin ietehndu?" nina ka nungkun. "Lang tuan," ningku njabapsa.
6<4:10b> Nina malekat e man bangku, "Lampu si pitu e, eme mata TUHAN si pitu, si ngidah kerina doni enda."
7<4:11> Kenca bage kusungkun ia, "Kai antusenna batang saitun si lit arah kawes ras kemuhen nahe lampu e?
8<4:12> Janah kai ka ertina dahan saitun si dua e si lit deherken pipa emas si dua dalan minak saitun e maler?"
9<4:13> Isungkunna ka aku nina, "La kin itehndu?" "Lang tuan," ningku ngaloi.
10<4:14> Kenca bage nina, "Eme dua kalak jelma si nggo ipilih dingen iminaki Dibata jadi SerayanNa, serayan TUHAN nu kerina doni."
11<4:6>
Padan Dibata man Serubabel
Malekat e nuruh aku nehken berita i bas TUHAN nari kempak Serubabel. Nina, "Labo erkiteken gegeh tentera, tah pe arah gegehndu jine maka seh sura-surandu tapi arah kesahKu jine nge.
12<4:7> Aminna bagi deleng pe galangen si ngambati kam, tapi kerina jadi kendit i lebe-lebendu. Ipajekkenndu me Rumah Pertoton e, janah tupung itamakenndu batu si perpudina ndungi Rumah e, ersurak-surak me jelma si nterem nina, 'Mejile kal, mejile tuhu-tuhu!'"
13<4:8> Reh ka berita si deban man bangKu i bas TUHAN nari.
14<4:9> Nina, "Serubabel nggo majekken palas Rumah Pertoton e, emaka la banci lang idungina nge. Kenca jadi pagi si enda ieteh bangsangKu maka Aku si nuruh kam ku tengah-tengahna. <4:10a> - Mecekurak ukurna kerina erkiteken seh kal meletna pendahin majekken Rumah Pertoton e. Tapi idahna Serubabel terus majekken Rumah e, emaka meriah ukurna."