Alkitab Mobile SABDA
[VER] : [MADURA]     [PL]  [PB] 
 <<  Mikha 4 >> 

1E budhi are gumo’, kennengnganna Padalemman Socce, bakal daddiya gumo’ se paleng tenggi ngongkole mo’-gumo’ ban nong-gunong laenna. Sa-bangsa anyo-ronyo entara ka jadhiya

2kabbi padha ngoca’a cara reya, "Mara ja’ ongga’a ka gumo’na PANGERAN ka Padalemmanna Allahna Isra’il! Salerana ngajarragiya pa-apa se kodu elakone sengko’ ban ba’na. Sengko’ ban ba’na noro’agiya jalanna sabab pangajaranna PANGERAN dhateng dhari Yerusalim; dhari Siyon Salerana abu-dhabu ka ommadda."

3Pangeran motosana parkara e antarana sa-bangsa, e antarana ra-nagara se kowat, se jau ban bariya keya se semma’. Sa-bangsa jareya bakal nempa’a dhang-peddhangnga epadaddi salaga ban bak-tombagga epadaddi ladding panyokor. Sa-bangsa jareya ta’ saleng nyerrang pole, ban ta’ aya-sadhiya entara aperrang.

4Reng-oreng bakal padha’a odhi’ aman ban taremtem e tengngana kebbun anggur ban kebbun arana; tadha’ se ko’-nako’ana aba’na pole, jareya janjina PANGERAN Se Mahakobasa.

5Saneyap bangsa e attassa bume nyemba ban ta’at ka dibana dibi’. Tape sengko’ ban ba’na ta’ada ka Guste Allah, nyemba’a Salerana salanjangnga.

6PANGERAN adhabu, "Bakal napa’a baktona Sengko’ makompola reng-oreng se eokom bi’ Sengko’, iya reya reng-oreng se odhi’ nyangsara e pambuwangan.

7Reng-oreng jareya la epaempon ban jau dhari kampongnga. Tape dhari karena reng-oreng se gi’ odhi’ Sengko’ amola’ana settong katoronan se anyar. Reng-oreng jareya bakal daddiya bangsa se raja ban kowat. Sengko’ marenta’a reng-oreng jareya e Gumo’ Siyon salanjangnga."

8Ban ba’na Yerusalim, se daddi kalenggiyanna Allah kaangguy ajaga ommadda akantha tokang ngowan se ajaga ba-dumbana, ba’na bakal daddiya ibu kotthana karaja’anna ba’na pole akantha dha’-adha’na.

9Arapa ba’na me’ nanges ce’ kajana? Arapa ba’na me’ nanggung kasangsara’an akantha babine’ se rembi’a? Apa polana ba’na ta’ andhi’ rato, ban panasehadda ba’na la padha mate?

10He pandhudhu’ Yerusalim, mara ba’na akaleya’ ban ngadhudhu akantha babine’ se parappa’na rembi’a. Sabab sateya ba’na kodu ngalle dhari kottha ban enneng e talon. Ba’na kodu entar ka Babil, tape e dhissa’ ba’na bi’ PANGERAN eocola dhari so-mosona.

11Bannya’ bangsa la akompol nyerranga ba’na, he Yerusalim! Ca’na so-mosona ba’na jareya, "Yerusalim kodu epaancor! Sengko’ bakal nangaleyana kottha jareya daddi jur-gujuran!"

12Tape sa-bangsa jareya ta’ tao apa se elampa’agiya PANGERAN. Reng-oreng jareya ta’ apangrasa ja’ aba’na bi’ Pangeran la epakompol polana eokoma, akantha gandum se epakompol egebba’a.

13Pangeran adhabu, "He pandhudhu’ Yerusalim, kassa’ ba’na entar enyek-enyek so-mosona! Ba’na bi’ Sengko’ epakowada akantha sape se atandhu’ besse ban akoko dimbaga. Ba’na bakal maancora bangsa sabannya’na, ban dhi’-andhi’na reng-oreng jareya se ekaolle dhari hasella rampasan bi’ ba’na bakal eatorragiya ka Sengko’, Pangeranna alam dunnya."


  Share Facebook  |  Share Twitter

 <<  Mikha 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel