1Jabur kaangguy kurban sokkoran. Mara asorak kaator ka PANGERAN, saantero bume!
2Mara abakte ka PANGERAN kalaban ate gumbira, ngadhep ka ajunanna sambi anyanyeyagi nyanyeyan-nyanyeyan se gumbira!
3Kaenga’e ja’ PANGERAN reya Allah. Salerana se nyepta’agi sengko’ ban ba’na, daddi sengko’ ban ba’na reya kaagunganna, ommadda, bangsa se epeyara bi’ Salerana.
4Mara maso’ lebat labang sakethengnga sambi nyanyeyagi nyanyeyan sokkor, mara maso’ ka taneyanna bi’ ji-pojiyan. Asokkor ka Salerana, molja’agi Salerana!
5Sabab PANGERAN reya sae; kataresna’anna kaangguy salanjangnga ban kaestowanna ron-temoron saterrossa.