Dual Panel1E bakto bangsa Isra’il kalowar dhari Messer, e bakto toronanna Yakub ngalle dhari nagara manca,
2bi’ Pangeran Yehuda ebadhi kalenggiyanna se socce, Isra’il ebadhi baba kakobasa’anna.
3Tase’ Galagas nangale’e Salerana laju buru, Songay Yordan se agili pas ambu.
4Nong-gunong ca’-lonca’an akantha embi’, mo’-gumo’ cal-pancalan akantha budhu’na dumba.
5Badha apa, tase’, ba’na me’ buru? Badha apa Songay Yordan, se agili me’ ambu?
6Apa sababba ba’na me’ ca’-lonca’an, nong-gunong, ban arapa ba’na me’ cal-encalan, mo’-gumo’?
7He bume, mara ba’na pangetter e ajunanna Pangeran, e ajunanna Allahna Yakub,
8se ngoba bato karang epadaddi taman, ban ngoba gunong epadaddi somberra aeng.