1Nyanyeyanna Sulaiman. Mon banne PANGERAN se maddek bengko, tadha’ gunana kang-tokang laenna alako. Mon banne PANGERAN se ngaobi sengko’ ban ba’na, pangawal se ajaga tadha’ gunana.
2Parcoma oreng alako berra’ nyare pangoreban, jaga gu-laggu ban tedhung tengnga malem; sabab PANGERAN nyadhiya’agi pangoreban kaangguy reng-oreng se ekataresnae Salerana, sabatara reng-oreng jareya badha e katedhunganna.
3Ana’ reya paparengnga ALLAH, papareng se ce’ rajana.
4Ana’ lalake’ ollena oreng towa se gi’ ngodha padha ban pana e tanangnga satreya.
5Pojur oreng se andhi’ parsadhiya’an na-pana se kantha jareya! Oreng jareya ta’ kera epakala, e bakto ngadhebbi moso e pangadilan.