1Kaangguy pamimpinna koor. Jaburra Daud. (13-2) Kantos bilaepon Junandalem ta’ emoda ka abdidalem, GUSTE? Kantos bilaepon Junandalem ta’ kasokana ngaton ka abdidalem?
2(13-3) Kantos bilaepon abdidalem kodu nanggung sossa, ate sompek seyang sareng malem? Kantos bilaepon abdidalem ekobasa’ana moso terros?
3(13-4) Oladi abdidalem, GUSTE Allah, Pangeran kaula, kasokana ajawab du’a abdidalem. Kakowadan abdidalem kasokana pabali one, sopaja abdidalem ta’ kantosa mate.
4(13-5) Ja’ kantos moso abdidalem ngoca’ abdidalem ampon epakala. Ja’ kantos abdidalem erak-sorak sareng reng-oreng gapaneka.
5(13-6a) Sabab abdidalem ngandellagi kataresna’annepon Junandalem, daddi abdidalem talebat peragga lantaran Junandalem marenge abdidalem kasalameddan.
6(13-6b) Sengko’ anyanyeya amolja’agiya PANGERAN, sabab Pangeran marenge sengko’ kabecce’an.