Alkitab Mobile SABDA
[VER] : [MADURA]     [PL]  [PB] 
 <<  Mazmur 23 >> 

1Jaburra Daud. PANGERAN reya se ngowan sengko’, sengko’ ta’ kera kakorangan.

2Bi’ Pangeran sengko’ epatedhung e talon se rebbana biru. Sengko’ etonton bi’ Pangeran ka aeng se ceddu.

3Sengko’ eparenge kakowadan se anyar, ban etonton ka jalan se teppa’, menorot janjina.

4Sanare abdidalem lebat e cora se petteng, GUSTE, abdidalem ta’ tako’ sakale ngadhebbi babaja, sabab Junandalem asarengnge abdidalem. Sabab Junandalem ajaga abdidalem akadi oreng ngowan se ajaga dumbana sareng tongket ban gadana.

5Junandalem nyadhiya’agi pesta kaangguy abdidalem e adha’annepon moso abdidalem. Sareng Junandalem abdidalem etarema epakadi tamoy raja se molja. Sareng Junandalem abdidalem eparenge nom-enoman se sae talebat bannya’na.

6Abdidalem oneng Junandalem sae ka abdidalem, sareng taresna ka abdidalem salanjangnga; abdidalem eedine saomorra ngennengnge kalenggiyannepon Junandalem.


  Share Facebook  |  Share Twitter

 <<  Mazmur 23 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2018
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran