Alkitab Mobile SABDA
[VER] : [MADURA]     [PL]  [PB] 
 <<  Yesaya 56 >> 

1PANGERAN adhabu ka ommadda, "Lakone apa se adil se cocok ban Tang hokom. Sabab sakejja’ aggi’ Sengko’ dhatengnga masalamedda ba’na ban kaadilanna Sengko’ bakal enyata’agiya.

2Sengko’ aberkadi oreng se neptebbi are Sabat ban ta’ manajjis are jareya. Sengko’ becce’a ka oreng se ta’ ngalakone kajahadan."

3Oreng manca se acampor ban ommadda PANGERAN ta’ olle ngoca’, "PANGERAN ta’ ngedine sengko’ nyemba ka Salerana abareng ban ommadda." Oreng se ekobiri ta’ olle apekker, "Sengko’ ta’ ngenneng daddi anggotana ommadda PANGERAN, sabab sengko’ ta’ bisa andhi’ toronan."

4PANGERAN adhabu ka reng-oreng kobiriyan jareya, "Mon ba’na ngargai are Sabat, sarta esto ka Tang parjanjiyan, ban ngalakone sabarang se masenneng Tang ate,

5nyamana ba’na ekaenga’ana e Tang Padalemman ban e antarana Tang bangsa. Jareya lebbi becce’ etembang andhi’ ana’ lalake’ ban babine’. Bi’ Sengko’ ba’na eberri’ana nyama se langgeng se ta’ kera ekaloppae salanjangnga."

6PANGERAN adhabu ka reng-oreng manca se tamaso’ bilanganna ommadda PANGERAN, se esto ka PANGERAN ban abakte ka Salerana, se ahormadi are Sabat ban esto ka parjanjiyanna.

7"Bi’ Sengko’ ba’na egiba’a ka Siyon, ka Tang gumo’ se socce, ban eberri’ana kasennengngan e kennengnganna reng-oreng abakte ka Sengko’. Ban-kurban se eatorragi ba’na e Tang mezba bi’ Sengko’ etarema’a. Tang Padalemman bakal enyama’ana roma du’a kaangguy sakabbinna bangsa."

8Kantha reya dhabuna GUSTE Allah Se Mahatenggi se ngaterragi Isra’il mole dhari pambuwangan, "Sengko’ ngeba’a reng-oreng laen epacampora ban reng-oreng se la akompol reya."

9PANGERAN makon sa-bangsa manca entar nyeppa’a ommadda akantha burun alas.

10Dhabuna PANGERAN, "Pin-pamimpinna Tang bangsa reya reng-oreng buta! Ta’ tao pa-apa. Akantha pate’ buwi se ta’ agaung, pera’ tedhung ban amempe malolo. Ce’ dujanna tedhung reng-oreng jareya!

11Akantha pate’ se dhakka se tadha’ kennyangnga. Pin-pamimpin jareya ta’ andhi’ pangarteyan. Kabbi padha ngala’ karebba dibi’ ban nyare ontongnga dibi’.

12Reng-oreng se dujan mabu’ jareya ngoca’, ‘Mara ja’ ngenoma anggur patobuk! Lagguna tantona anyamanan dhari are teya!’"


  Share Facebook  |  Share Twitter

 <<  Yesaya 56 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel