Alkitab Mobile SABDA
[VER] : [MANGGARAI]     [PL]  [PB] 
 <<  Titus 3 >> 

Pedé Turung Cemoln

1Langga kid isé, kudut isé lorong pemerénta agu sanggéd ata cau kuasa, lorong agu mengkek te pandé sanggéd gori di’a.

2Néka manga pocu ata, léwang tau, maik nahé isé kali poro joél, agu lumu oné sanggén ata.

3Danong, ité kolé bodok moséd: kembe-lu’ak, wéléng, ciri mendi de sanggéd belek da’at, mosé nanang te pandé da’at kanang, guér, guték, lenci, agu kodo tau.

4Maik Mori Keraéng, Mori Sambé dité poli toto momangN agu nai di’aN latang te ité.

5Hia poli sambé itén, toé landing le pandé di’a dité, maik landing le weki Run Hia poli momang itéN. Hia sambé ité létang le Nai Nggeluk ata pandé nggélok nai dité, ngong pandé célung taung mosé dité le ba weki ata werun.

6Mori Keraéng poli widang bon kaut Nai Nggeluk latang te ité lut hi Yésus Kristus, Mori Sambé dité.

7Ali tabing de Mori Yésus, ité poli hambor agu Mori Keraéng, wiga ité haéng mosé tu’ung agu tédéng lén lorong hitut bengkes dité.

8Curup daku ho’o molord taung, agu ngoéng daku kudut hau paka mberes kéta téing si’ang, wiga isét poli imbi oné Mori Keraéng, tu’ung-tu’ung kéta seber te pandé gori situt di’ad. Hituy ata di’an agu manga betuan latangt manusia.

9Maik néka lut oné gangga tau situt toé manga betuad, ngong latang te turuk empo, agu léwang tau landing wintuk agama. Sanggéd taung situ te pandé rowak agu toé manga betuad.

10Latang te ata campitn pandé biké oné weki serani, paka toing kaut le hau ca-suangkalin, émé toé pinga liha néka woé-joé kolé agu hia.

11Pecing le hau ata nenggitu ogo te pandé molor, ali hitu isé toé ké’ét te pandé sala. Ali nggitu, isé toto ndékokd bolo-mai ranga de Mori Keraéng.

12Émé poli wuatn laku hi Artémas ko hi Tikhikus te cumang hau, gélang koéh mai cé’é aku oné béndar Nikopolis, ai aku poli wérét te ngo ka’éng nituk tédéng cekeng duréng.

13Campé di’a koé hi Zénas, ata pecing adak hitu agu hi Apolos oné lako disé, kudut néka manga géongd.

14Sanggéd weki serani dité oné nuca Keréta, paka laséng koét pandé gori ata di’ad, kudut ngancéng haéng sékék lété bari agu sékék latang te ata bana. Pandé nenggo’o, kudut manga betuan mosé disé.

Tabé

15Tabé dami, ngong aku agu sanggéd asé-ka’é serani so’ot manga cama agu akus latang te hau. Tombo kolé le hau tabé dami ho’o latang te sanggéd weki serani oné nuca Keréta. Nahé Morin téing berkak agu widang sanggés taung méu!


  Share Facebook  |  Share Twitter

 <<  Titus 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel