Dual Panel1Kaipa kabaraiatnia palabakat samba pajoggolat ka talagamui? Tá poi sibara ka pubobot-bot akkulámui sitaipuaari pasaggak ka bagat paatuatmui, ibesíaké iikep'aké pusanangan ka polak!
2Bulat ainukikiddiy kam, tápoi tá babara. Oto kalulut néné, isiakémuian pamatei! Ron pupaatuanan geti, bulat ai ka kam, tápoi tá iaaili siripot sipinaatumui; oto kalulut néné pagolúmuian samba palabámuian leú et. Bulat beri te sara tá babara nugagaba kam, tá poí ainutitiddou kam ka tubut Taikamanua.
3Iageti kenanen baí anutiddouan kam, ialeú et tá babara, aipoí ailiakenen paniddogatmui tá aisese; siripot siobat tubumui lé poí nutitiddou kam.
4Bulat sitaimatopit lé kam néné! Kipa, nuagai leú kam, ibailiu kam saggak Taikamanua, ké maré-ré kam ka siobat polak néné?
5Buí ka bagamui sitá paluluat lé aikua nia ka bagat Buko Sipunenan, sipasikukua kisé, "Ka tubutta néné ai aiaké Taikamanua ketsat sibesíaké teret eddet ka sipinaatunia."
6Tápoi kenanen kisedda galainia, panguruat Taikamanua siakénia ka tubutta peilé maron, ka tubut siobat ketsatta. Iaté lulunia ka Buko Sipunenan leú, ai atusurat'aké kisé, "Isasaggangi lé sia Taikamanua simaukat tubu, tápoi simarepé paatuat geti, ipukakateki sia baga."
7Oto reddet kam nga-ngan Taikamanua, iageti lawanmuian Sanitu, oto kaddiuakénangan leú et kam.
8Legeri kam Taikamanua, bulé ilegeri kam ka kam, Taikamanua. Paliná kam kabeimui sigalaiaké sikataí, ale kam sirimanua sijo! Palatsat kam paatuatmui, ale kam simarua baga!
9Kau bulat iolei bagamui samba pusou kam samba pului-lui kam; bulé gágámui néné, bailiu sou, iageti puangkakat bagamui bailiu pureuregat baga!
10Parepé kam paatuatmui ka tubut Tuhan, bulé ibuak'aké kam si Tuhan.
11Ale kam Sasarainangku, buí nupajo kam katubu elé nupasele kam katubu. Aipoí sia sipasijojoaké sabagei, elé sipasiseseleaké saaleira pasasamba tai Kariten, kelé surukat Taikamanuangan lé te aijoaké, elé aiseleaké. Ké nuseleaké kam surukat Taikamanua, oto táan anureddet kam surukat nenda, tápoi aibailiuan lé kam hakimnia.
12Aipoí sarat sara lé ai hak masiukum'aké samba masiadili sirimanua. Iaté Taikamanua sibara ka tubu gege masiarauaké elé masisubuaké sirimanua. Oto kasonia poi kam néné, pat koí obámuian masiseleaké saaleimui pasasamba sirimanua?
13Anukua kam ale Sasaraina, "Gogoi néné elé matsep memei kai ka laggai anu. Burúmai sedda pajaga masigaba bulagat, ka bagat sangarura." Oto arep'aké peité kam nganturatku néné.
14Aponia pá sipuaaili ka tubumui matsep, tá nuagai kam! Aipoí kam néné, kelé kujuk lé, tulu lé imatoilá, tatá.
15Oto siripokatnia, kisé lé nukukua kam, "Ké iobá lé baí nia Taikamanua, riu-riu peilé kupurimanua kai, samba kugalai kai néné, elé nenda."
16Tápoi kineneiget geti, anuumun'aké lé kam tubumui samba amasosot lé titiboatmui. Oto sangamberinia pusososot titiboat kelé néné, bulat tá pasese.
17Aipoí sirimanua sijo lé sia tuooniaké, ké airaaagai masigalaiaké simaerú, tápoi tá ragagalaiaké.