Alkitab Mobile SABDA
[VER] : [MONGONDOW]     [PL]  [PB] 
 <<  1 Timotius 5 >> 

1Dika dalin-daliíonmu in tumoruí ko'i monia inta umur monia no'iliudon ko'i naton, ta'e diugaibií in sia bo mongonguman naonda bo mongonguman takin guyangamu tontanií. Naí doman tua mosia inta nongogu'odpa, tonggina'aibií im mosia naí ki utatmu tontanií.

2Aka guyanga mita bobay daí pomia doman mosia naí ki inaímu tontanií. Natua doman im mongodeaga mita, pomia doman naí ki ai-aimu tonanií bo kotulidbií ing gina.

3Hormatbií in intau inta dongkadon boba-bobay bo inta nobiag dongka sia-sia mita.

4Ta'e aka intau boba-bobay tatua kogadiípa ande kogompupa, yo ki adiínya andeka ki ompunyapa tua im muna tonggina'an kom baí umuran tarukira'an ing guyanga monia tatua, bo motulií kon tabi i inaí ande i ba'ay monia tua, sin tuabií ing kino ibog i Allah.

5Intau boba-bobay inta nobiagdon tontanií sin diaídon in haraponnya makow motuḷung monompia ko'inia, bo dongkadon ki Allah im poharapannya makow, yo musti in sia doḷom bo singgai mosambayang bo mopo'igum in totabi ko'i Allah.

6Ta'e aka tobatuí bobo-bobay inta totokpa im mo'ibog ing kasanangan dunia na'a yo mosia tua in sabanarnya minatoi bidon, umpakah awak monia tua nobiagpa.

7Pota'audon ko'i monia in soaáḷ mita tana'a, simbaí mosia mobiagdon totu-totu'u bo diaídon mogaid kon inta diaí mopia.

8Ta'e aka oyuíon intau inta doií monarukiramai ko'i utatnya, ginaḷumnya, apadoman intau inta kom bonu im baḷoinya, yo intau tatua doií mogaid kon onu inta sinuntut im pinirisayanya tatua, daí intau tatua mora'a-ra'atdon nongkon intau inta diaí mopirisaya ko'i Kristus.

9Intau inta mota'au tangoion dongkadon boba-bobay, tongaíbií mosia inta nongkon umurdon onom nopuḷuh notaong bo namonik, bo mosia inta tongaí komintan pinobuḷoi,

10bo kinota'auan doman in intau kon umuranbií in sia nogaid kon inta mopia, naí umpamanya, ain nonompia ko'i adiínya mita, motabi kon tumpaḷa intau, mo'ibog mobogoi ing ka'anon kon intau mita mopirisaya. Mo'ibog doman motuḷung kon intau mita inta nobiag nobogaí, pokoknya mosia totu-totu'udon nogaid kon onu inta mopia.

11Aka boba-bobay inta diaípa nongo umur yo dona'aipa poyo iyapon, sin aka koaíputan in ibog monia, yo mokipobuḷoibií im mosia bo taḷaíanbií monia ing ki Kristus.

12Daí mo'itaḷaí im mosia sin nomayowdon kon dandi inta ain inogoi i Allah ko'i monia.

13Apadoman wakutu monia tongaí modait kon agiían akoan kom baḷo-baḷoianea. Bo mo'iliu doman ra'at kon tua aka mosia mo'ibog doman mopora'at-ra'atmai kon tangoi intau ibanea bo mo'ibog doman umauk kon urusan intau ibanea, bo mongonguman doman kon soaáḷ mita inta diaí patus o'umanon kon intau ibanea.

14Tuamai ibogonku, intau boba-bobay inta nomudapa buidon mokipobuḷoi, simbaí buidon moko'ulií kon adií kon tonibuḷoinya, bo tongaídon in sia monompia ko'i adiínya inta kom bonu in tonibuḷoinya tatua, simbaí intau mita inta mosaturu ko'inaton diaídon moporomu-romuímai kon tangoi naton.

15Soaáḷ tana'a pogumanku ko'i monimu, sin oyuíondon im boba-bobay inta ain no'itaḷaí kon daḷan bo dinumuduidon kon Ibilis.

16Ta'e aka oyuíon intau Keresten inta kon tombonu im baḷoinya nobaliídon boba-bobay, yo musti tompia'annya in sia, dikabií tongaí moharap makow kom bantuan in jama'at. Sin aka natua, daí jama'at im mota'au bidon mayak motayak kom boba-bobay ibanea inta diaídon koginaḷum.

17Itoi mita in jama'at inta nopobayak in oaíidannya notompia, patusbií in sia ogoian im pongharga'an kodua noguntuḷ ing kopianya. Torutama mosia inta morajing totok motunduí bo mopoyaput in Habar Mopia.

18Sing kom bonu im buk mosuci pinaisdon nana'a: "Sapi inta koyogot moritak kon gandum simbaí moripuídon im batoḷ ing gandum nongkon simpungoinya, dona'aibií pomponan im bibignya." Bo pinais doman nana'a, "Intau inta mogaid patusbií motarima kom boli im pinogaidannya tatua".

19Dona'aibií tongaí tarima'anmu makow natua onu im pinonapud kon tobatuí itoi in jama'at, ta'e mustibií oyuíon in doyowa ande toḷu in intau inta noko'ontong tontanií im mobogoi ing kosaksian kom porkara inta pinonapud ko'inia tua.

20Intau inta nogaid kon inta diaí mopia mustibií togur kon tayowon jama'at mita, simbaí dongogondon in intau ibanea bo mo'ondokdon im mosia mogaid kon inta diaí mopia tatua.

21Kon tayowon i Allah, bo i Yesus Kristus bo im malaekat mita inta pinilií-Nya, pogumankudon ko'inimu simbaí dumuduidon ikow totu-totu'u kon onu inta sinunduíku mita tana'a, ḷumbuíbií in raianmu inta diaí mopia ko'i inekabií bo aidaidon in na'a komintan bo dikabií mopoyoposi kon intau.

22Dikabií gumampanganmai im monantuí poḷat momarakat kon intau sim baliíon mogogaid kon oaíidan i Tuhan. Bo aka oyuíon in intau nogaid kon inta diaí mopia yo dona'aibií dumayan ikow. Tantubií ḷukadai in awakmu baí umuran modarit.

23Dona'aidon tongaí umuran tubig in inumon, ta'e siga-sigad monginum kon anggur tumongopilik simbaí molancar moḷumbuí kong kotoran, sin ikow mokakitdon im motakit.

24Dosa in tongonumai intau, wakutu in diaípa sidangon ko'ontongan bidon motarang. Ta'e dosa intau ibanea bain ko'ontongan aka mopaḷutdon sidangon.

25Naí doman tua in oaíid mita mopia baḷuíbií ko'ontongan, bo inta diaí mogampang ko'ontongan in diaíbií umuran mo'iadop.


  Share Facebook  |  Share Twitter

 <<  1 Timotius 5 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel