Alkitab Mobile SABDA
[VER] : [MONGONDOW]     [PL]  [PB] 
 <<  1 Timotius 6 >> 

1Intau mita Keresten inta nobaliídon ata mustibií tantuí mohormat ko'i tuangnya, simbaí tangoi i Allah bo inta sinunduí i Allah ko'i naton diaí singkuleon intau.

2(6-2a) Aka ki tuang monia tua bo intau ing Keresten yo dikabií pandang entengon in sia, malahan ata tatua mustibií mokopopira im mobantung ko'inia, sing ki tuang inta pinobantungannya tatua tumpaḷa intau mopirisaya inta kinotabi i Allah. (6-2b) Na'a komintan musti tunduíonmu bo pononggina ko'i monia.

3Aka ki ine im motunduí kon totunduí tolaeng inta diaí notongkai in totunduí inta sinunduí naton bo doií doman kon totunduí mobanar inta nongkon i Yesus Kristus Tuhan naton, bo inta pinobayak in agama naton,

4yo intau tatua mododia bo diaí doman nonota'au kon onu bo onu! Panyaki intau natua im mo'ibo-ibog mobobayowan kon soaáḷ istilah mita sahingga mokopomukaí kon intoi, ropatoi, mosi ponapudan in diaí totu'u, mosicuruga'an,

5bo umuran moyogenggeng. Pikiran intau mita natua ain nobangkung bo diaídon mota'au pirisaya'anmai. Inanggap monia agama na'a mota'aubií potayakan kong ka'untungan tontanií.

6Totu'ubií kon agama tua im mobogoibií ing ka'untungan moḷoben, aka intau tatua umuran mopuas kon onu inta oyuíon ko'inia.

7Sin diaíbií tobatuímai in dinia naton wakutu namangoi in dunia na'a, naí doman tua, diaíbií doman tobatuímai in diaan naton aka ḷumuaidon nongkon dunia na'a.

8Daí, aka oyuíonpa ing ka'anon bo pakeang yo mobaliídon intua.

9Ta'e intau inta mo'ibog mobalií mokaya tombodokondon in ibogea inta diaí im baragunanya bo inta mokogoguya'at ko'inia. Ibog mita tatua mokorimumud bo mokobodito ko'inia.

10Sim pomangkoian bayongan inta mora'at na'a in ibogbií kon doit. Aindon tongonumai degaí in intau inta umuran moramiji motayak kon doit, sahingga in diaídon dinumudui kon totunduí in agama Keresten, daí tongaídon roriga im mo'iantug ko'i monia bo inta mokoaíjar doman kong gina ing kodungkuḷan monia tua.

11Ta'e ikow inta aim pinilií i Allah, mokopoyayukdon kon tua komintan. Tayakdon onu inta mopia kon tayowon i Tuhan, aidai onu inta mo'itutui, posambayang bo mokopotantuí kom pirisaya ko'i Kristus, kotabibií in tumpaḷa intau, mobalajar mosabar bo aidai onu inta mokosanang kong gina intau.

12Poramijidon totu-totu'u mobiag saḷaku intau inta mopirisaya ko'i Kristus. Mobiag mobanar baí mo'uliímu ing kobiagan mononoi. Sin tuabií im mangale pinogoiniían i Allah ko'inimu bo tua doman komintan inta umuran inakumu kon tayowon intau moaíntoí.

13Bo tana'a makow, kon tayowon i Allah inta ain nobogoi ing kobiagan kom bayongan yagi-yagi, bo kon tayowon i Kristus Yesus inta ain noguman kon onu in totu'u ko'i Pontius Pilatus. Po'igumonku in na'a ko'inimu:

14Duduiaibií im bayongan parentah tana'a, dikabií tobatuímai in taliban modapot kon singgai koaíngoian bui i Tuhan naton ki Yesus Kristus.

15Ki Allahbií tontanií in nonantuí kon singgai koaíngoian-Nya. Sin tongaíbií Sia im mongonguasa kon dunia na'a. Moḷantud totok in Sia, Sia Raja im bayongan raja, bo Tuhan im bayongan Tuang.

16Tongaíbií Sia in diaí kokawasa'an im popatoi bo inta nobiag kon sindar inta diaí mota'au diugan i inekabií. Diaíbií tobatuímai intau moko'ontong ko'i-Nia, bo totu'ubií kon diaíbií ontongon intau in Sia. Tongaíbií Sia im patus hormaton sing kawasa-Nya no'iliu kom bayongan kawasa kon dunia na'a modapot kopaḷutan in dunia na'a! Amin.

17Ponoropdon kon intau mita inta nobiag no'oyuíon, baí mosia diaí dumodia bo diaí mopodoyon ing kobiagan monia kom barang mita inta modai-daitbií, naí kakaya'an in dunia na'a. Mosia mustibií mopodoyon ing kobiagan monia ko'i Allah inta ain nobogoi im bayongan yagi-yagi ko'i naton inta diaídon ko'iapan ing kobayongea, inta pakeíonmai naton muḷoi in singgai.

18Ponorop domandon ko'i monia simbaí mosia mopo'ontong in aid inta mopia. Kobayongdon im mogaid kon inta mopia, mokopopia kong gina bo mo'ibog mobogoi.

19Aka natua in aidan monia, yo momangkoidon im mosia mosipun kong kapunya'an inta mobalií baḷun mopia kon singgai mo'iduduimai. Bo aka natua mosia im moko'ulií doman kong kobiagan mononoi naí inta kino ibog i Allah.

20Ule Timotius, adiíku, onu inta pinokiaíidku bo inta pinogumanku ko'inimu, yo ḷukadai totok intua kopira! Dona'ai tongaí mongonguman kon soaáḷ inta diaí im mangalenya bo inta mora'at, dika tongaí mobobayowan kon soaáḷ mita inta sinangoian "Pongotahuan".

21Sin oyuíondon in intau inta motunduí kon natua sahingga doiídon mosia dinumudui kon onu inta sinunduí i Kristus Yesus. Igumon makow ki Allah umuran mobogoi im barakat bo totabi ko'i monimu komintan. Hormat nami, Ki Paulus


  Share Facebook  |  Share Twitter

 <<  1 Timotius 6 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2018
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran