Alkitab Mobile SABDA
[VER] : [MONGONDOW]     [PL]  [PB] 
 <<  2 Korintus 6 >> 

1Saḷaku yobayat topogaidan i Allah, kami mononggina ko'i monimu; dona'ai tongaí pomayak makow in totabi i Allah inta ain inogoi-Nya ko'i monimu.

2Sing ki Allah ain noguman nana'a, "Kon wakutu inta kino ibog-Ku, Aku'oi im mongindongog ko'i monimu, bo kon singgai in aku'oi moposaḷamat, Aku'oi i motuḷung ko'inimu." Pokotorop kopia, masa in tana'a aim bidon wakutu inta kino ibog-Ku tua, bo tana'a bidon makow in singgai poposaḷamatan tatua!

3Doiíbií ing kami aka oaíidan nami bo potaḷaían. Manangka intua kami tantuíbií moramiji diaí mobogoi in alasan kon tobatuímai intau mogaid kon soaáḷ tatua.

4Ta'e na'abií im popo'ontong nami kom bayongan intau, onukabií in aidan nami, yo pinonyatabií nami kong kami in totu-totu'ubií mogogaid mita kon oaíidan i Allah. Sin sigaḷa yoyiga aim bidon nodait nami sinarima takin gina mo'onow.

5Kami sinikisa, pino bonu kom ponjara, iḷolibutan binongkung, kami totok im mogaid, mokakit in diaí mosiug bo mokakit doman ing kodaitan ka'anon.

6Takin gina motulid, mobijaksana, mosabar bo mopia ing gina, pinonyatadon nami kong kami im bobantungbií i Allah. Bo takin kinumadai kon totuḷung in Roho i Allah, bo takin tabi inta no'iḷuai nongkon gina inta motulid,

7bo poḷat doman mopota'au in habar nongkon i Allah takin kawasa i Allah, pino'ontongdon nami kong kami na'a im mogogaid mita kon oaíidan i Allah. Kami kinumadai kon onu ing kino ibog i Allah saḷaku sonjata nami moḷawang andeka pobela kon onu in inaidan nami.

8Oyuíon im mohormat ko'i nami, ta'e oyuíon doman im moningkule; oyuíon im moduií, ta'e oyuíon doman moponapud in diaí totu'u. Umpakahbií kami mojujur, ta'e kai monia kami mo'uboḷ.

9Kai monia in noyakag intau in nokota'au ko'i nami, ta'e komintan intau nonota'aubií ko'inami. Sinangka monia kami minatoi bidon, ta'e konyata'anya kami nobiagpabií. Umpakahbií kami pinogutuí ta'e kami in diaíbií minatoi.

10Umpakahbií pinokuyang monia ing gina nami, ta'e umuranbií moḷunganga ing gina nami. Kami ing ko'ontongon nobiag nobogaí, ta'e nobayongdon intau im binalií nami no'oyuíon. Ko'ontongan kami diaí ko'onu bo onu, ta'e sabanarnya bayongan rupa-rupa oyuíonbií ko'i nami.

11Utat mita kong Korintus inta kinotabiku! Taran-tarangan bidon nosingog ko'i monimu, onu ing kong gina nami aindon nodait pinota'au nami.

12Diaíbií ing kami mobuni kong gina ko'i monimu, ta'e tongaí bidon mo'ikow in diaí totu-totu'u motarima ko'i nami.

13Yo tana'a im pomayakpa makow aku'oi mosingog ko'i monimu naonda bo guyanga mosingog ko'i adiíku mita tontanií. Tarimadon ing kami kom bonu ing gina monimu.

14Dona'ai mo'ibog mobalií yobayat topogaidan in intau mita inta diaí mopirisaya ko'i Yesus; sin diaíbií mococok in natua. Sin diaíbií kuma'an kon akaḷ aka inta mopia poyoka'anon inta mora'at! Diaíbií doman inta bayag motobatuí takin in sindip.

15Diaíbií doman ki Kristus moyopakat takin Ibilis. Onubií in yotongkainya intau Keresten takin intau inta diaí mopirisaya ko'i Kristus?

16Onubií in hubungan Baḷoi Tuhan bo baḷoi im berhala? Kita na'a im Baḷoi Tuhan inta nobiag. Sing ki Allah tontanií ain noguman nana'a, "Aku'oi im mogutunbií kon yuaí-yuaík monia, bo mobiag moyotakin monia. Bo Aku'oi im mobalií bidon ki Allah monia, bo mosia im mobaliídon umat-Ku.

17Manangka intua, taḷaíaidon in intau mita inta diaí nonota'au ko'i Allah, bo pokopoyayukdon im mo'ikow ko'i monia. Dona'aidon mo'ibog moliai kon onu inta diaí mopia, aka natua im mo'ikow, yo tarima'an-Kubií.

18Aku'oi im mobaliíbií ki Amaí monimu, bo mo'ikow im mobaliíbií ki adií-Ku mita, natua in singog i Tuhan inta totok im mokawasa."


  Share Facebook  |  Share Twitter

 <<  2 Korintus 6 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel