Alkitab Mobile SABDA
[VER] : [MONGONDOW]     [PL]  [PB] 
 <<  Kisah Para Rasul 7 >> 

1Imang moḷoben noliboí ko'i Stepanus, "Totu'u degaí intua?"

2Daí ki Stepanus nosingog, "Guyanga mita bo utat, indongogaipa in singogku na'a: Wakutu im mogoguyang naton ki Abraham diaípa nomamping kon Haran, wakutu intua sia nogutunpa kom Mesopotamia, bo ki Allah inta totok im moḷantud namangoi ko'inia

3bo noguman, 'Taḷaíaidon im butaímu tana'a bo ginaḷummu mita, bayakdon kong kotaí inta tunduíon-Ku ko'inimu.

4Daí iḷumuaidon in sia nongkon lipuí intau ing Kasdim bo nogutun kon Haran. Bo naonda im minatoidon ing ki amaínya, pinokipomampingan i Allah in sia nongkon butaí tatua minayak im butaí inta pinogutunan monimu masai na'a.'

5Ko wakutu intua diaíbií inogoian i Allah im butaí in sia saḷaku pusakanya; Topaḷadmai yo diaíbií inogoi Allah ko'inia. Ta'e ki Allah nodandi kon ogoi-Nyabií ing ki Abraham sim baliíon pusaka i Abraham bo katurunannya mita. Dodai intua ki Abraham diaí kogadií.

6Ta'e na'a im pinoguman i Allah ko'inia, 'Katurunanmu im mogutun kon tua saḷaku mokokiaíngoi kom butaí intau ibanea. Bo baliíon monia ata poḷat doman rori-roriga'anmai solama opat nogatut notaong ing ko'onggotnya.

7Ta'e intau inta mononggata tatua in tokohukumonbií. Tua in siningog i Allah. Tongaí mopaḷut makow kon tua, mosia poḷuaion-Ku kon tua bo mosumbah ko'i-Nakoí kon tampat tana'a.'

8Sunat in nobalií tanda kon dodandian tatua. Daí naonda ing ki Ishak inta ki Adií i Abraham no'ilahirdon, adií tatua pinokisunat kon singgai iwaḷunya; ki adií i Ishak ing ki Yakub. Yo ki adií i Yakub tua im mopuḷuh bodoyowaí inta nobalií mogoguyang naton.

9Ta'e lantaran mo'intoi ko'i Yusup daí mogoguyang naton ibanea tua nopotaḷui ko'i Yusup kon intau im Mesir, ta'e umuran sinakinan i Allah in sia,

10bo pinilatan i Allah in sia kom bayongan roriga bo inogoian in totabi bo pandoi wakutu minayak kon tayowon i Piraun raja intau im Mesir tua. Sahingga binalií i Piraun gubernur kom butaí im Mesir bo nongawasa kom bonu in istana i Piraun.

11No'iduduimai kon tua no'iangoidon sempo im malarat moḷoben kom bayongan butaí im Mesir bo kom butaí ing Kanaan sahingga intau nokorasadon kon roriga. Mogoguyang naton kinodaitandon doman ing ka'anon.

12Tongaí naonda in dinongog i Yakub kon oyuíon ing gandum kom Mesir, pinotabaínya im mogoguyang mita naton tatua minayak im Mesir. Tuata in wakutu pertama-tamai minayak im Mesir.

13Naonda in noginduadon minayak, ki Yusup ginumumandon ko'i utatnya mita. Bain tua bo kinota'auandon i Piraun in asaḷ-usuḷ i Yusup.

14Onda intua binayak i Yusup pinoki gamaí ing ki amaínya ki Yakub takin bayongan ginaḷumnya pitu nopuḷuh bolima ing kobayongea.

15Daí namangoi domandon im Mesir ing ki Yakub bo ginaḷumnya mita nodapot im minatoi mita kon tua im mosia.

16Tuḷan mita monia dinia domandon minayak in Sikhem bo iḷobong kon tua. Butaí inta inubolian i Abraham kon suku bangusa Hemor kon Sikhem.

17Ta'e naonda im motoyongdon wakutu i Allah mogintompod kon dandi-Nya ko'i Abraham, noaíntoídon totok intau naton in nogutun kom Mesir.

18Pangabisannya nobaḷuidon in raja kom Mesir. Raja inta diaí nonota'au ko'i Yusup.

19Raja nobagu tatua totok im moporupa-rupamai kon intau naton bo totok doman momogutuí kom mogoguyang naton. Sia nokiḷumbuí in adií mita mo'intok monia simbaí matoi.

20Wakutu intuata no'ilahirdon ing ki Musa, sia moḷunat totok. Sia biniag toḷu nobuḷan kom baḷoi i amaínya,

21bodongka inilig kon ongkag ta'e no'ulií i adií i Piraun bobay bo biniag monia naíonda bo ki adií monia tontanií.

22Bayongan pongotahuan im bangusa Mesir nodait sinunduí ko'inia, sahingga sia nobalií intau inta totok mokawasa kon soaáḷ pososingog bo oaíidnya.

23Wakutu in umurdon opat nopuḷuí notaong, no'iangoidon in ibognya mokipodungkuḷ ko'i utatnya mita inta intau Israel.

24Kon dodai intua sia noko'ontong kon intau Mesir momogutuí kon intau Israel. Daí sinuḷungannya intau in Israel tatua bo poḷat ilimodnya intau im Mesir.

25Irainyamai kino mangaleanbií i utatnya mita intau Israel kon sia tua im pinakeíbií i Allah mopobebas ko'i monia. Na'anta diaíbií kino mangalean monia.

26Nopo'ikoḷomai kon singgai sia noko'ontong doman kon intau Israel doyowa noropatoi, ta'e sinonggina'annya, kainia, 'Mo'ikow nion ginaḷumbií, yo nongonu sim moropatoibií?'

27Ta'e intau inta nomongkug kon yobayatnya tatua nonuḷud ko'i Musa bo noguman, 'Eta ki ine in nopobalií ko'inimu itoi bo hakim kon sigad nami?

28Degaí limodonmu doman aku'oi naí intau im Mesir koḷabung?'

29Nokodongogmai kon natua, ki Musa noḷagui nonaḷaímaidon kom Mesir bo minayak nogutun kom Midian. Kon tua sia noko'ulií kon adií ḷoḷaki doyowa.

30Naonda in opatdon nopuḷuh notaong kon tua, ki Musa noko'ontong kon tobatuí malaekat kom padang gurun kon diug im buḷud Sinai. Malaekat tatua iḷumuai nongkon dokot in tuḷu inta kon yuaí-yuaík in diaít.

31Ki Musa noherang totok in noko'ontong kon soaáḷ tatua. Sahingga sia minayak dinimiug bo mo'indoi mongo onu intua. Bo sia nokodongog kon singog i Tuhan noguman ko'inia,

32'Aku'oi na'a ki Allah im mogoguyangmu, Aku'oi na'a ki Allah i Abraham, i Ishak bo i Yakub.' Ki Musa ginumugur bo totok inagiían ondok sahingga sia diaídon nokobalií inimindoi bui kon dokot inta iḷumuai kon yuaí-yuaík in diaít tatua.

33Bo ki Tuhan noguman ko'inia, 'ḷongkut aip in si'oḷmu inta pinakeímu nion, sim butaí inta sinindoganmu nion butaíbií mosuci.

34Inontong-Kudon bo umuran-Kudon sinarukiramai in roriga umat-Ku kom Mesir. Dinongog-Kudon in amui monia, daí moponag in Aku'oi bo mopobebas ko'i monia. Tana'a, koligai! Potabaí-Kudon bui ikow mayak im Mesir.'

35Ki Musa na'a kino doi' im bayongan intau Israel bo inta siningog monia nana'a, 'Eta ki inebií in nomalií ko'inimu itoi bo hakim kon sigad nami?' Ta'e ki Musabií intau inta pinotabaí i Allah mobalií itoi bo mopoposaḷamat, takin totuḷung im malaekat inta namangoi ko'inia inta kon yuaí-yuaík in diaít tua.

36Ki Musabií tuata inta nodia kom bangusa Israel ilumuai nongkon Mesir takin nogaid kon soaáḷ mita inta totok im mokoherang bo soaáḷ mita inta diaí im poliuan kom Mesir, bo kon Dagat Nopuya bo kom padang gurun solama opat nopuḷuh notaong.

37Siabií doman tua inta noguman kom bayongan intau Israel, 'Ki Allahbií im mobogoi ko'inimu in tobatuí nabi inta pinilií-Nya kon sigad monimu, naí Sia nomilií ko'inakoí.'

38Ki Musabií tuata inta kon yuaí-yuaík im bangusa Israel kom padang gurun, inta nobalií tonsigad kom malaekat inta nopoyaput in singog ko'inia kom Buḷud in Sinai takin mogoguyang naton. Sia tuata inta notarima kon habar inta nobiag nongkon i Allah sim poyaput ko'i naton.

39Umpakah natua ta'e mogoguyang naton doií dinumudui ko'inia. Mosia doií notarima ko'inia bo mo'ibog mobui kom Mesir.

40Mosia noguman ko'i Harun nana'a, 'Pogaidaipa kon illah mita inta mota'au duduianmai nami. Sin diaídon kota'auan nami mongo onudon in nobalií ko'i Musa inta nodia ko'inami iḷumuai nongkon Mesir!'

41Daí ko wakutu doman intua mosia nogaid kom patong ki adií in sapi, onda intua mosia noposumbah ing kurban kom patong tatua poḷat nomia kon rame sin nodui' kon onu inta pinomia monia tua.

42Daí sinaḷaíanmai i Allah bo pinomayak-Nyadon makow im mosia nosumbah kon tundi mita kon ḷangit. Tua notongkai naí inta aim pinais kom bonu im buk nabi mita. Nana'a, 'Hei intau mita Israel! De'emanbií Aku'oi im pinorata'an monimu bo pinobogoian in sosumbah mahaḷuk solama opat nopuḷuh notaong kom padang pasir.

43Sing ki dewa Molokhbií in umuran untu-untuon makow monimu kotaki-takin patong ki adií in sapi inta ki Repan; tuata im patong inta pinomia monimu sin sumba'an. Tuamai ḷumbuíon-Kudon im mo'ikow koyayuíon kon limakaw, kon lipuí im Babel.'

44Kemah tampat i Allah mamangoi kon intau, oyuíon kom mogoguyang naton kom padang gurun. Kemah tatua pinomia i Musa podudui im parentah i Allah bo pinodudui ing gambar inta pino'ontong i Allah muna ko'inia.

45Kon singgai no'iduduimai tampat tatua dinia im mogoguyang naton ko wakutu im mosia kotaki-takin i Yosua minayak nogagow kom butaí naton na'a nongkon kakuasa'an im bangusa mita inta sinoko'untun i Allah kon tayowonmai monia. Kemah tatua nonahang kon tua nodapot kon sempo i Daud.

46Ki Daud totok kinosanang ing gina i Allah nodapot nopo'igum in sia simbaí ogoi-Nya moposindong im Baḷoi-Nya. Baḷoi i Allah inta sinumbah i Yakub tatua.

47Ta'e ki Salomo bidon in noposindog im Baḷoi i Allah tatua.

48Tongaí ki Allah Inta Totok Moḷantud tatua, diaíbií nogutun kom baḷoi inta inaidan in lima intau tatua; sing kom bonu im buk in nabi pinais nana'a,

49'ḷangit in tampatbií pomomarenta'an-Ku, bo butaí pomomuntukan in si'oḷ-Ku. Daí baḷoipabií onu im pomiaan monimu ko'i-Nakoí? Kon ondabií in tampat pogogaian-Ku?

50Diaíbií kinota'auan monimu kon Aku'oibií in nogaid kon tua komintan?' natua im pirman i Allah.

51Naídomai tua kinototogat ing gina monimu nion. Totokbií mororiga didikon kom baí motoindudui ko'i Allah. Diaíbií indongogan monimu in singog i Allah! Mo'ikow nion naíonda bo mogoguyang mita monimu; umuran diaí mokidongog kon Roho i Allah.

52Eta oyuíon nabi in diaí pinogutuí im mogoguyangmu mita? Simbaí kota'auan monimu, nodait monia ilimod in totabaí mita i Allah kolipod, inta namangoi sim mopota'au ing koaíngoian in Simpaḷ i Allah inta totok im mobanar, inta aindon doman irupa-rupamai monimu poḷat ilimod.

53Kinota'auan bidon mita monimu in hukum i Musa inta pinoyaput im malaekat mita ko'i monimu ta'e diaíbií dinuduian monimu!"

54Naonda dinongog in anggota sidang agama im bayongan singog i Stepanus tatua, totok nonakit ing gina monia bo sinumoru' totok ko'inia.

55Ta'e ki Stepanus inta kinawasa in Roho i Allah tatua, iḷumangag kon ḷangit bo inontongnya ing kamulia'an i Allah bo ki Yesus sinimindong kon dotaí ing koḷanan i Allah.

56Ki Stepanus noguman, "Indoiai, inontongku in soroga nobukat bo ki Adií Intau sinimindog kon dotaí ing koḷanan i Allah!"

57Daí anggota mita im Mahkamah Agama totokdon nomompon kom bongoḷan monia bo nomaḷuí poḷat minayak nomongkug ko'i Stepanus.

58Pinoḷuai monia in sia kong kotaí tatua bo inandur im batu. Intau mita inta noko'ontong kon kajadian tatua noḷongkut kon ḷambung bo pinoki kadai monia kon tobatuí tayamobiag inta ki Saulus in tangoinya sim moduḷu doman mogandur.

59Koyogot monia anduron batu, ki Stepanus nosambayang nana'a, "Tuhan Yesus, tarimadon in rohoku!"

60Bo sinumungkud in sia poḷat nomaḷuí noropot, "Tuhan, dona'aidon dosa tana'a popobaba-Mu ko'i monia!" Onda in noguman makow natua sia minatoidon.


  Share Facebook  |  Share Twitter

 <<  Kisah Para Rasul 7 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel