Alkitab Mobile SABDA
[VER] : [MONGONDOW]     [PL]  [PB] 
 <<  Lukas 14 >> 

1Kon singgai in Sabat tobatuí, ki Yesus minayak nonga'an kom baḷoi intau im Parisi. Intau mita kon tua nonarukiramai ko'i Yesus.

2Kon tua oyuíon intau inta notakit binoba-bobaga'an in lima bo si'oḷnya.

3Daí ki Yesus noliboí kom mototunduí mita kon agama bo intau mita im Parisi inta kon tua, "Aka podudui in agama naton, mota'au degaí andeka diaí im mongundam kon intau notakit kon singgai in Sabat?"

4Ta'e mosia tongaí kibio-bioímai. Daí inoinií i Yesus in intau tatua bo inundaman. Onda intua pinotabaí-Nyadon minayak in sia.

5Nopaḷut makow kon tua, ki Yesus noliboí ko'i monia, "Yo aka kuma bo oyuíon ing ki adií monimu andeka bobiagon monimu moḷabuí kom parigií kon singgai in Sabat, yo umpakah diaí ḷagi ramijion monimu bo poḷuaion kon singgai doman tatua?"

6Diaí tobatuímai in nokotubag kon singog-Nya tatua.

7Onda ing ki Yesus noko'ontong kon tamu mita inta nomilií kon tampat inta mopira totok, Sia nongonguman kon tobatuí porumpama'an kai-Nia,

8"Aka oyuíon in intau mogoinií ko'i monimu mayak im ponika'an, yo dona'ai mo'ikow muna-munamai mayak bo limituí kon tampat inta mopira totok, sin dikabo oyuíon doman intau ibanea inta inoinií monia im moponti-ponting nongkon imonimu,

9sahingga ing ki togi baḷoi inta ain nogoinií ko'i monimu mamangoi bo moguman ko'inimu nana'a, 'Ma'ap ule, tampat tana'a aindon sinadiaku lituían in intau tatua.' Daí takin oyak moḷoben ikow momamping bo mayak in tampat inta kon tumi totok.

10Poguman-Ku na'a ko'i monimu: Aka mo'ikow bo oiniíon kom ponikaían, yo piliídon in tampat inta kon tumi totok, simbaí aka ontongondon i togi baḷoi in ikow yo sia im mamangoi bo moguman ko'inimu nana'a: 'Ule, koligai baí mayak limituí kom muna.' Aka natua yo ikow i hormatdon totok kon tayowon im bayongan tamu kon tua.

11Sing ki ine im mosiḷantud, yo popo'ompaí, ta'e ki ine in mo'ompaí in dodia, sia im poḷantudon."

12Onda intua ki Yesus noguman ko'i togi baḷoi, "Aka ikow bo mogaid kom pesta ko wakutu in singgai andeka doḷom, yo dona'aidon mogoinií kon yobayat, utat, andeka bayongan ginaḷum bo topodiugmu inta nobiag no'oyuíon, sin aka natua yo tuliían doman oiniíon monia in ikow. Daí oyuíon tontulií im pinogoiniíanmu ko'i monia.

13Manangka intua aka ikow bo mogaid kom pesta, yo oiniídon in intau mita bogaí, intau nongocacat, intau mita inta lempeng, bo intau mita bilog.

14Aka natua yo ikow im barakatan sin intau mita tatua diaí mokotulií kon oaíidmu inta mopia. Oaíidmu inta mopia tua ing ki Allahbií im motulií ko wakutu in intau mita mopia tatua biagon bui nongkon kinopatoiannya.

15Nokodongogmai kon singog i Yesus nantua, oyuíon tobatuí intau inta nonga'an noyotakin-Nya noguman ko'i-Nia, "Momujur totok in intau inta monga'an moyotakin i Allah aka Sia mamangoidon saḷaku Raja."

16Ta'e ki Yesus noguman ko'inia, "Oyuíon intau in nogaid kom pesta moḷoben. Sia nogoinií kom mobarong intau.

17Naonda in wakutunyadon pangkoion im pesta tatua, sia nopotabaí in simpaḷnya mayak kon intau mita inta ain sinoko'oiniínya bo moguman ko'i monia, 'Angoidon sin ain sinadia komintan!'

18Ta'e nobatu-batuí mosia in nopo'igum maap. Inta muna, noguman nana'a kon simpaḷ tatua, 'Aku'oi bagu notaḷui kom butaí, bo musti bayaíanku indoian intua, daí aku'oi mo'igum maap sin diaí mokopobayak.'

19Intau inta induanya noguman nana'a, 'Aku'oi bagu notaḷui kon sapi lima no par bo musti bayaíankupa tungkuḷan, daí aku'oi mo'igum maap sin diaí mokopobayak.'

20Intau ibanea doman noguman nana'a, 'Aku'oi bagu nobuḷoi, tuamai aku'oi in diaípa mokopoaíngoi.'

21Simpaḷ tatua nobuidon bo noguman ko'i tuangnya kom bayongan alasan inta pinoyaput in intau mita inta sinoko'onií. Daí sinumoruí totok ing ki togi baḷoi tatua poḷat noguman in Sia kon simpaḷnya nana'a, 'ḷagidon bayak kon daḷan mita moḷoben bo loro-lorongannya kong kotaí, bo diadon mangoi in intau mita inta bogaí, nongocacat, nongobilog, bo intau mita lempeng.'

22Onda intua simpaḷ tatua namangoidon bui ko'i tuangnya bo noguman nana'a, 'Tuang, onu im ponokiaíid i tuang aindon nodait dinuduianku, ta'e oyuíonpa doman in ḷolituían in diaí ilituían.'

23Daí kai tuangnya doman, 'Bayakdon in daḷan mita moḷoben bo loro-lorongannya kon ḷuai ing kotaí bo pakisadon mosia dia mangoi simbaí mopuling bonu im baḷoiku na'a.

24Toropdon! Diaíbií in tobatuímai kon sigad in intau mita inta ain sinoko'oiniíku tatua im mo'ika'an kong ka'anon kom pesta inta inaidanku na'a!'"

25Kon singgai tobatuí, wakutu in nobayong intau dinumudui ko'i Yesus, Sia nobobui ko'i monia komintan bo nosingog,

26"Aka intau mamangoi ko'i-Nakoí, ta'e ki inaí bo ki amaínya andeka ki adiínyabií bo buḷoinya bo awaknya tontanií ing kotabi-tabinya nongkon i-Nakoí, yo sia tua in diaí mota'au mobalií dumodudui-Ku.

27Intau inta doií momota'an kong kayu pinoyotalempang bo dumudui ko'i-Nakoí, sia tua in diaíbií mota'au mobalií dumodudui-Ku.

28Aka oyuíon ing kon sigad monimu im mo'ibog moposindong im baḷoi moḷoben, yo tantuí munapabií takuseronnya mongo tongonu in doit pakeíon kon tua, simbaí kota'auannyadon, mokoḷapat in doitnya tatua andeka diaí aka posindogondon im baḷoi tatua.

29Sin dikabo aidannyadon im pondasinya, bo indoianmai doit diaídon tugat pongingguput sahinga intau inta moko'ontong moningkule ko'inia.

30Bo poḷat doman singogon monia nana'a, 'Ka'asih ah, intau tanion mobaḷoi kuma, ta'e diaí mokomampu moginḷapat.'

31Andeka nana'a, 'Aka oyuíon in raja inta tontaranya im mopuḷuh noribu bo moparang in raja ibanea inta doyowa nopuḷuh noribu in tontaranya, yo tantu raionbií muna in raja tatua mongo moko'mampu tumayow kon saturu tatua im mosia ande diaí.'

32Aka korasa'anmai bo diaí mokomampu, yo tantuí wakutu in saturu noyayukpa sia mopotabaí bidon muna kon intaunya bo moguman kom moyodamedon.

33Natua doman im mo'ikow komintan. Diaíbií tobatuímai ing kon sigad monimu inta mota'au mobalií dumodudui-Ku aka mo'ikow bo diaí mokotaḷaí kong kapunya'anmu."

34"Simuton tua im mopiabií, ta'e aka moliaudon, yo degaí mota'aupaí pogibung?

35Diaí bidon im baragunanya umpakah pakeíon kong gobaí andeka pomupuk. Manangka intua ḷumbuíon bidon. Tuamai aka kobongoḷan, yo pongindongog!"


  Share Facebook  |  Share Twitter

 <<  Lukas 14 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel