Alkitab Mobile SABDA
[VER] : [MONGONDOW]     [PL]  [PB] 
 <<  Matius 9 >> 

1Onda intua ki Yesus sinumakoidon kon uangga bo iḷumeag minayak in ḷoḷan danow. Bo no'idapotdon Sia kon lipú-Nya tontani.

2Bo intau nopoángoi ko'i-Nia in tobatú intau inta lempeng bo no'isiugdon makow kon tosiugannya. Naonda inontong i Yesus im pirisaya monia, Sia noguman kon intau inta diá mokobayak tatua: "Popirisayadon, adí-Ku, taḷámu aindon inampungan."

3Nokodongogmai kon singog i Yesus natua, mototundú mita kon agama Yahudi nosingog kom bonu ing gina, kai monia: "Sia noningkule ko'i Allah."

4Ta'e kinota'auandon i Yesus in raian monia tatua, tuamai Sia nolibó: "Nongonu si mo'ikow moraibí kon soáḷ mita inta mora'at kom bonu ing ginamu?

5Onda degá i mogampa-gampang, moguman, 'Taḷámu aindon inampungan', andeka moguman: 'Pobangondon bo bayakdon?'

6Ta'e bá kota'auan monimu, kon Adí Intau inogoian ing kawasa mongampung kon taḷá kon dunia na'a." Bo Sia noguman kon intau inta lempeng tatua, "Pobangondon, buatdon in tosiuganmu bo pobuidon kom baḷoimu!"

7Intau tatua bango-bangon bo nobui.

8Intau moántó inta noko'ontong kon onu inta nobalí tatua no'ondok bo nodayow ko'i Allah inta ain nobogoi ing kawasa ná domai tua ing koḷoben kon intau.

9Naonda ing ki Yesus minayak nongkon tua, Sia noko'ontong kon tobatú intau tangoinya ki Matius inta ilimitú makow kong kantor im pajak. Ki Yesus noguman ko'inia, "Duduidon ko'i-Nakó." Dá ki Matius sinimindog doman bo dinumudui.

10Bo naonda ing ki Yesus nonga'an kom baḷoi i Matius, namangoidon doman intau mita inta mononagih kom pajak ibanea bo intau mita baradosa bo nonga'an noyotakin i Yesus bo murí-Nya mita.

11Soáḷ tatua inontong intau mita im Parisi, sahingga mosia noguman kom murí mita i Yesus, "Nongonu sing gurumu in nonga'anbí moyotakin mononagih kom pajak bo intau baradosa?"

12Singog monia tua dinongog i Yesus, dá Sia noguman ko'i monia: "De'emanbí intau mosehat im moparaḷu kon dokter, ta'e intaubí nongotakit.

13Manangka intua, bayakdon bo balajarpa bui mangale im Pirman tana'a: 'Ko'ibog-Ku in totabianbí, de'emanbí onu inta ogoi monimu,' sin Aku'oi namangoi de'emanbí mogoiní kon intau no'itutui, ta'e intaubí baradosa."

14Onda intua namangoidon murí mita i Yohanes ko'i Yesus bo nolibó: "Nongonu sing kami bo intau mita im Parisi mopuasabí, ta'e murí-Mu mita in diábí?"

15Ki Yesus nolibó bui ko'i monia: "Mota'au degá aka nonika'an ḷoḷaki koyotaki-takinpa monia bo yobayatnya mita moájardon ing gina? Oyúonbí iwakutunya nonika'an tatua gamáan nongkon sigad monia, bain ko wakutu intuata mosia mopuasa.

16Diábí in tobatúmai intau inta momerak kon ḷambung nobagu sim poduḷampong kon ḷambung inta ain nokoyongan, sin aka sia momerak kon ḷambung nobagu, yo ḷambung nobagu tatua im mogoguya'atdon doman.

17Ná doman tua, anggur inta nobagupa diábí mota'au bonuon kom botutunya inta ain nokoyongan, sin aka bonuon yo botutu tatua im mobisikbí bo anggur tatua mo'ibutak doman, bo botutu tatua mogoguya'atdon totok. Tuamai anggur inta mobagu im bonuonbí kon tampatnya inta nobagu doman, simbá tumpaḷa diá mogoguya'at."

18Koyogotpa ing ki Yesus nongonguman natua ko'i monia, namangoidon in tobatú itoi im baḷoi pososambayangan, bo nosumbah ko'i-Nia poḷat noguman, "Ki adíku bobay bagupa minatoi, ta'e aku'oi mopo'igum ko'i Guru mamangoi bo mokadai ko'inia, dá mobiagdon bui in sia."

19Ki Yesus sinimindog bo takin murí-Nya mita minayak noyotakin in intau tatua.

20Kon dodai intua oyúon doman tobatú bobay inta aindon mopuḷuh bodoyowá notaong ko'onggotnya notakit toḷoganmai in dugú, sia moramiji totok dimiug ko'i Yesus nongkon tumi sim mokadai kon ubung in jubah-Nya. Sin nana'a irainya: "Umpakahbí tongá koliaianku in jubah-Nya, yo mopia in aku'oi."

21(9:20)

22Ta'e ki Yesus nobobui bo no'indoi ko'inia takin noguman, "Koroton ing ginamu, adí-Ku, sim pirisayamu aindon nokosaḷamat ko'i nimu." Bo kon dodaipa doman tua bobay tatua nopia.

23Naonda ing ki Yesus no'iyaput kom baḷoi in itoi im baḷoi pososambayangan tatua bo noko'ontong kon intau mita inta nogirup kom bansí bo intau mobarong inta motombá makow,

24Sia noguman ko'i monia, "Bayakdon, sin adí tana'a diábí minatoi, tongábí nosiug in sia." Ta'e kinosingan monia ing ki Yesus.

25Naonda intau mita tatua pinoḷuai-Nya komintan, ki Yesus sinumu'ot bo nokadai kon lima in adí tatua, bo adí tatua nobangondon.

26Habar soáḷ inta nobalí tatua no'i siardon kom bayongan lipú kon tua.

27Naonda ing ki Yesus nongingguput kom bobaya'an-Nya, intau biḷog doyowa dumuduianmai ko'i-Nia bo sindaḷan momaḷú kai monia, "Adí i Daud, kotabipa ing kami na'a."

28Bo náonda ing ki Yesus sinumuot kom baḷoi tobatú namangoidon doman ko'i-Nia intau biḷog doyowa tatua, dá ki Yesus noḷibó ko'i nayadua, "Eta mopirisaya i mo'ikow kon Aku'oi mokopia ko'i monimu?" Mosia notubag, "Totu'u Pak Guru, mopirisayabí ing kami."

29Dá ki Yesus noliai kom mata monia takin nosingog, "Mobalídon ko'i monimu podudui im pirisayamu."

30Dá noko'indoidon im mata monia. Bo ki Yesus nongoyow ko'i monia, "Dona'ai mongonguman simbá diá tobatúmai intau mokota'au kon onu inta aindon nobalí tana'a."

31Ta'e mosia iḷumuai bo noposiar kon lipú mita kon tua, kon onu inta ain inaidan i Yesus.

32Naonda intau mita biḷog tatua iḷumuai, diniadon mangoi ko'i Yesus in tobatú intau bobó inta kinótoḷangan in dimukud mora'at.

33Bo naonda in dimukud mora'at tatua inuntun-Nya, intau tatua nokosingogdon. Intau moántó inta kon tua nongoherang bo nosingog, "Soáḷ mita ná tanion diápa kon dodai onda inontong intau Israel."

34Ta'e intau mita im Parisi noguman, "Sia inogoian in tongguḷu in dimukud mita mora'at ing kawasa moguntun kon dimukud mita mora'at."

35Natuata inaidan i Yesus wakutu in Sia minaya-mayak makow im bayongan kotá bo lipu-lipuánnya. Sia notundú kom bonu im baḷoi mita pososambayangan bo nopoyaput in Habar Mopia kon náonda ing ki Allah momarentah saḷaku Raja. Sia nongundam doman kom bayongan panyaki bo yoyiga.

36Noko'ontongmai kon intau moántó tatua, Sia inangoian totok in tabi ko'i monia, si mosia totokdon moḷopí bo diádon kodaya, náonda bo domba inta diádon ko gombala.

37Dá Sia noguman kom murí-Nya mita, "Inta koyuton totu'u modamaḷ ta'e mokokoyut tongá topilik.

38Manangka intua po'igumdon ko'i togi gobá simbá potabá-Nyadon mangoi im mokokoyut mita kon onu inta paraḷu koyuton tua."


  Share Facebook  |  Share Twitter

 <<  Matius 9 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel