Alkitab Mobile SABDA
[VER] : [MONGONDOW]     [PL]  [PB] 
 <<  Roma 10 >> 

1Utat mita, ibogonku totok baí bangusaku posaḷamaton. Daí tuamai aku'oi totokdon in totu-totu'u mosambayang ko'i Allah sing kopontingan monia.

2Mobaranibií in aku'oi moguman kom mosia tua in totu-totu'udon totok mogaid kon oaíidan i Allah. Ta'e ibog monia tua diaí podoyon kon onu inta sinunduí i Allah.

3Diaí kinota'auan monia mongo naonda in cara i Allah monompia bui kon hubungan-Nya takin intau. Bo lantaran mosia mo'ibog dumudui kon cara monia tontanií, daí mosia in doiíbií dumudui kon cara inta sinunduí i Allah.

4Hukum agama Yahudi ain initompodan i Kristus. Manangka intua intau inta mopirisaya ko'i Kristus, hubungannya takin i Allah motompiadon bui.

5Ki Musa nomais nana'a, Intau inta ain noyodame bui i Allah inta pinodoyon kon hukum in agama, in nobiag sim motoindudui kon hukum in agama tatua.

6Ta'e aka moyodame i Allah sim podoyon kom pirisaya, yo nana'a im pinais kom Buk Mosuci, "Dikadon ikow mosingog kom bonu ing ginamu, ki ine im momonik in soroga? (mangalenya modia ko'i Kristus moponag),

7ande ki ine im moponag kon dunia intau minatoi? (mangalenya mobingkat ko'i Kristus nongkon sigad intau minatoi)."

8Nana'a im makusudnya, "Habar inta nongkon i Allah tua nodiug totok ko'inimu, kom bibig bo kom bonu ing ginamu." Tuata in habar inta pinoyaput magií-makow nami; habar kon intau musti mopirisaya.

9Sin aka akuíon im bibig monimu kong: "Ki Yesus tua in Tuhan", bo ginamu mopirisaya kong ki Allah ain nomiag bui ko'i Yesus, daí ikow im mosaḷamatbií.

10Sin takin ginanya, intau mopirisaya, sahingga in tarima'an i Allah in Sia saḷaku intau inta ain noyodame takin-Nya. Bo bibig pinakeínya nongaku sahingga pinosaḷamat in Sia.

11Kom bonu im Buk Mosuci aim pinais nana'a, "Intau inta mopirisaya ko'i-Nia diaíbií pokopo'oyaíanmai."

12Tua im pakeíonbií kom bayongan intau, sin diaíbií in yoposinya kon intau in Yahudi bo bangusa mita ibanea. Sing ki Allah inta tobatuí tua in Tuhanbií im bayongan intau. Sia im mobogoibií im barakat mobayong kom bayongan intau inta mokituḷung ko'i-Nia.

13Kom bonu im Buk Mosuci aim pinais nana'a, "Bayongan intau inta mokuani ko'i Tuhan mosaḷamatbií."

14Ta'e naondabií intau mokuani ko'i Tuhan aka mosia diaípa mopirisaya ko'i-Nia? Naondabií im popopirisaya monia aka diaípa dinongog monia in soaáḷ Sia tua? Naondabií i mosia mokodongog kon soaáḷ Sia aka diaípa doman intau in nopota'au?

15Bo naondabií intau mayak mopota'au in habar tatua, aka mosia diaí potabaí? Ain doman pinais kom Buk Mosuci nana'a, "Mopiadon totok ing koaíngoian in intau mita inta nodia kon Habar Mopia nongkon i Allah!"

16Ta'e diaíbií komintan intau motarima kon Habar Mopia tatua. Sing ki Nabi Yesaya noguman, "Tuhan ki inebií im mopirisaya kon habar inta pinoyaput nami?"

17Intau mita nobalií mopirisaya sim mosia ain nokodongog kon habar tatua, bo habar tatua dinongog sin oyuíon intau nopota'au in habar soaáḷ ki Kristus.

18Ta'e aku'oi im moḷiboí: Degaí diaípa dinongog monia? Pasti dinongog bidon! Sing kom Buk Mosuci aim pinais nana'a, "Singog monia ain kinodongogan kom bayongan dunia na'a, bo onu im pinota'au monia no'iyaput kom popod in dunia."

19Aku'oi bui moliboí: Degaí intau Israel diaípa nokota'au kon tua? ki Musa im muna notubag kon soaáḷ tana'a, kai-nia: "Nana'a im Pirman i Allah, 'Baliíon-Ku im mo'ikow simbaí mo'intoi kom bangusa inta de'eman umat bo baliíon-Ku im mo'ikow tumoruí kom bangusa mita inta bodok.'"

20Ki Nabi Yesaya nobarani doman noguman bui nana'a, "Nana'a im pirman i Allah, 'Intau inta diaí motayak ko'i-Nakoí, ain nokodungkuḷ ko'i-Nakoí; bo Aku'oi nokipogontongdon ko'i monia inta diaí nopolibo-liboí kon soaáḷ Aku'oi.'"

21Ta'e soaáḷ bangusa Israel, ki Nabi Yesaya nosingog nana'a, "Nana'a im pirman i Allah, 'Tumongo singgai Aku'oi mopoaíbat in lima-Ku kon tobatuí bangusa inta motogat ing gina bo diaí motoindudui.'"


  Share Facebook  |  Share Twitter

 <<  Roma 10 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel