Alkitab Mobile SABDA
[VER] : [MONGONDOW]     [PL]  [PB] 
 <<  Wahyu 19 >> 

1Nopaḷut makow kon tua, aku'oi nokodongog kon naonda bo giow in intau mobayong inta nongkon soroga, noguman, "Dayowdon ki Allah! Ki Allah naton inta mopoposaḷamat; Sia in Allah inta Moḷoben bo Mokawasa!

2Sim pohohakim-Nya moaídil bo mobijaksana! Sia ain nopoḷabuí in hukuman kom polacur moḷoben, inta nomoguya'at kon dunia na'a takin aidnya inta mokotor. Ki Allah ain nohukum kom polacur tatua, sin sia nolimod kon intau mita inta nogaid kon oaíidan i Allah."

3Bo singog in intau mobayong tatua nomaḷuí bui, "Dayowdon ki Allah! Poyok nongkon tuḷu inta nomokak kong kotaí moḷoben tatua umuran mo'idamonik diaí ing goga-gogainya!"

4Daí doyowa nopuḷuh bo'opat itoi mita tatua bo mahaḷuk opat inta ilimibu kon tampat pomomarenta'an tatua sinumungkud bo nosumbah ko'i Allah inta ilimituí kon tampat pomomarenta'an tatua. Mosia noguman doman, "Amin! Dayowdon ing ki Allah!"

5Bo kinodongogandon giow nongkon tampat pomomarenta'an tatua noguman, "Dayowdon ing ki Allah, oi... bayongan intau inta nogaid kon oaíidan i Allah, bo bayongan intau -- guyanga-mongoaídií -- inta nosumbah ko'i Allah!"

6Onda intua aku'oi nokodongog kon naí giow in intau mobayong inta noyosipun; kotombaínya in naonda bo singog im bokoḷ kon dagat bo gotup inta moyo-moyodudui. Dinongogku mosia noguman, "Dayowdon ki Allah! Sing ki Tuhan, ki Allah naton Inta Mokawasa tua, nomarentadon in tana'a!

7Koligai ing kita mokopoḷungangadon kong gina bo moyogiyow modayow ko'i-Nia! Sin nodapotdon in singgai ponika'an i Adií in Domba bo nonika'an-Nya nobasadiadon.

8Pakeang moaḷus mobudoí inta mopo'uli-ulinag inogoidon ko'i-Nia sim pakeíon." (Pakeang moaḷus tatua in oaíidbií mita mopia inta pinomia in umat mita i Allah.)

9Bo malaekat tatua noguman ko'inakoí, "Paisdon in na'a, 'Mosanangdon totok in intau inta inoinií mamangoi in rame ponika'an i Adií in domba tatua.' Malaekat tatua noguman doman bui ko'inakoí, habar tana'a in totu-totu'ubií nongkon i Allah."

10Daí sinumungkud in aku'oi kon tayowonnya sim mosumbah ko'inia, ta'e sia noguman ko'inakoí, "Dona'ai! Dona'ai mosumbah ko'inakoí, sumbahdon ing ki Allah! Sin aku'oi na'a in tongaíbií doman bobantung naí ikow nion bo notongkai doman i utatmu mita inta umuran kinumadai noroton kon onu inta pinoguman i Yesus!" Sin onu inta pinoguman i Yesus, tuatabií inta nopogonuí kong gina in intau mita inta nopota'au ing koyow i Allah.

11No'iduduimai kon tua inontongku soroga nobukat, bo inontongku oyuíon tobatuí kabaḷo nobudoí. Ki inta sinumakoi kong kabaḷo tatua, tangoinya ki Mosatia bo ki Mobanar. Sia im moaídilbií im monantuí kon hukuman bo kom parang.

12Matanya naonda bo dokot in tuḷu, bo kon uḷunya pinakeían im mahkota mobayong. Kon awaknya pinaisan in tangoi, bo tongaíbií sia in nonota'au kon tangoi tatua.

13Jubah inta pinakeí-Nya aim pinoḷodok kon duguí. Bo Sia Sinangoi "Pirman i Allah".

14Bayongan tontara in soroga dinumudui ko'i-Nia; mosia sinumakoi kong kabaḷo mita nobudoí, bo nomakeí in ḷambung moaáḷus inta totok in nobudoí.

15Nongkon bibig-Nya tua iḷumuai in tobatuí pitow inta moḷanit bo inta pakeíon-Nya monaḷow kom bangusa mita. Sia nomarentah ko'i monia takin tungkud uatoi. Sia momugut kon anggur kom bonu in tampat pomomugutan kon anggur toruí i Allah Inta Totok i Mokawasa.

16Jubah bo pa'a-Nya pinaisan tangoi nana'a, "Raja im bayongan raja, bo Tuang im bayongan tuang."

17Bo aku'oi noko'ontong kon tobatuí malaekat sinimindog kom mata in singgai bo nomaḷuí noropot kom bayongan ḷagapan inta iḷumayug kom baḷangon, kai-Nia: "Koligai moyosipun kon na'a sin tumu'ot kon rame moḷoben inta inaidan i Allah!

18Koligai moka'an kon tapuí in raja mita, tapu im bayongan itoi in tontara bo tapuí im bayongan intau inta minatoi noparang. Koligai moka'an kon tapuí in intau mita inta tumotakoi kong kabaḷo, tapuí ing kabaḷonya mita bo tapuí im bayongan intau, guyanga-mongoaídií, ata andeka intau nobebas!"

19No'iduduimai kon tua aku'oi noko'ontong kom mahaḷuk tatua, bo raja mita kon dunia na'a takin tontara mita monia, noyosipun sim moparang ko'i-Nia inta sinumakoi kong kabaḷo nobudoí bo tontaranya mita.

20Mahaḷuk tatua kinodomokan takin intau mita inta morongaku nabi ta'e de'emanbií totu'u nabi inta ain norogaid kon soaáḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ ko'i monia inta ain notarima kon tanda im mahaḷuk tatua bo inta ain nosumbah kom patongea.) Bo mahaḷuk tatua takin intau mita inta de'eman totu'u nabi tumpaḷa pinogambat kom bonu in tuḷu moḷoben inta kodoko-dokot takin balerang.

21Bo bayongan tontaranya sinoko-rataí im pitow inta iḷumuai nongkon bibig in intau inta sinumakoi kong kabaḷo nobudoí tatua. Daí ḷagapan mita tatua namangoi bo noka'an kon tapuí in intau mita inta minatoi irataí tatua.


  Share Facebook  |  Share Twitter

 <<  Wahyu 19 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel