Alkitab Mobile SABDA
[VER] : [MONGONDOW]     [PL]  [PB] 
 <<  Wahyu 3 >> 

1"Paisdon kom malaekat in jama'at Sardis, nana'a: Nana'a ing koyow nongkon i-Nia inta kitogi roho pitu nongkon i Allah bo inta kitogi tundi pitu tua. Kinota'auan-Kubií onu im pinomia monimu: Mo'ikow nion sinangoian nobiag, ta'e sabanarnya im minatoi bidon!

2Manangka intua pobangondon bo irigonai onu inta oyuíonpa ko'i monimu solama tua komintan diaípa matoi. Sin diaípa tobatuímai no'ulií-Ku in inaidan monimu inta nosompurna kon tayowon i Allah.

3Tuamai toropdon bui onu inta ain sinunduí ko'i monimu kolipod bo onu inta ain dinongog monimu. Duduiai intua bo pogogaidon im mogaid kon dosa mita. Aka mo'ikow bo diaí mobangon, yo Aku'oi im mamangoi ko'i monimu naonda bo mononakow; bo diaíbií kota'auan monimu mongo to'onu in Aku'oi mamangoi.

4Ta'e kon yuaí-yuaík monimu inta kon Sardis oyuíonpa in intau inta noḷukad makow simbaí ḷambungea umuran modarit. Mosia tua im mayak moyotakin-Ku takin mogiḷambung mobudoí, sim mosia im patusbií motarima kon tua.

5Mosia inta mo'untung ḷambungan in ḷambung mobudoí natua. Tangoi monia diaíbií popaton nongkon Buk Intau Nobiag. Bo akuíon-Kubií im mosia kon tayowon i Amaí-Ku bo malaekat-Nya mita kon Aku'oibií ing kitogi ko'i monia tua.

6Ki ine i mokodongog yo tarukira onu im pinoguman in Roho i Allah kon jama'at mita!"

7"Paisdon kom malaekat in jama'at kom Piladelpia nana'a: Na'adon ing koyow nongkon i-Nia inta Mokudus, Inta Mobanar bo ki Inta nokadai kong kokunsi i Daud; Aka Sia im mobukaí yo diaíbií tobatuímai im mokolingkop; bo aka lingkopan-Nya, yo diaíbií doman tobatuímai im mokobukaí.

8Kinota'auan-Kubií onu in inaidan monimu. Kinota'auan-Kubií kon ropot monimu diaíbií tongo'onu; mo'ikow ain dinumudui kon totunduí-Ku bo motoindudui ko'i-Nakoí. Mo'ikow pinobukatan-Kudon kon tobatuí ḷolingkop, inta diaíbií kolingkopan i inekabií.

9Toropdon in na'a: Intau mita inta ain nobalií umat in Ibilis tua, in intaubií mita mongo'uboḷ inta mongaku intau mita in Yahudi padahaḷ de'emanbií. Mosia tua in aidan-Kubií sahingga mosia mamangoi tumungkud kon tayowonmu. Bo kota'auandon monia kon kotabi-Kubií im mo'ikow.

10Lantaran mo'ikow ain dinumudui kom parentah-Ku kom baí umuran mosabar mogoḷat makow ko'i-Nakoí. Daí umuran-Ku doman ḷukadan makow im mo'ikow nongkon kasusahan inta mo'i antug kon dunia na'a. Soaáḷ tatua im mobaliíbií sim monungkuḷ kom bayongan intau kon dunia na'a.

11Aku'oi ḷagibií mamangoi! ḷukadai kopira onu inta oyuíondon ko'i monimu, simbaí diaí tobatuímai intau mokoaígow kon hadiah kino'untungan monimu.

12Intau inta no'untung, baliíon-Ku saḷaku oigi kom bonu im Baḷoi Mosuci i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi ing kotaí i Allah-Ku, tuata in Yerusalem mobagu inta moponag nongkon soroga, nongkon i Allah-Ku -- tua im paison-Ku kon intau tatua. Naí doman tua, tangoi-Ku inta mobagu paison-Ku doman kon intau tatua.

13Ki ine im mokodongog, yo tarukira onu im pinoguman in Roho i Allah kon jama'at mita!"

14"Paisdon kom malaekat in jama'at Laodikia nana'a: Na'adon ing koyow nongkon i-Nia inta sinumangoi Amin, saksi inta mosatia bo mobanar, pangkoi im bayongan yagi-yagi inta pinomia i Allah.

15Kinota'auan-Ku onu in inaidan monimu: Kinota'auan-Kubií kom mo'ikow nion in diaí motumping ta'e diaí doman mopatuí. Manikah bo satu kali tongaí motumping ande tongaí mopatuí!

16Mo'ikow nion im moaínai, diaí mopatuí, ta'e diaí doman motumping. Tuamai mo'ikow in ḷuaían-Ku nongkon bonu im bibig-Ku.

17Mo'ikow mosingog: 'Kami nobiag no'oyuíon bo bayongan yagi-yagi komintandon oyuíon; diaídon in noga'at ko'i nami.' Ta'e diaíbií kinota'auan monimu kom mo'ikow nion in nobiagbií nomalarat totok, bo totok doman mokoaíjar kong gina ing ka'ada'an monimu nion! Mo'ikow nion nomasiking, diaí koḷambu-ḷambung, bo bilog.

18Tuamai na'a in tonggina-Ku ko'i monimu, potaḷui kom buḷawan ko'i-Nakoí, buḷawan totokea simbaí mobaliídon mo'oyuíon im mo'ikow. Bo potaḷui doman kon ḷambung mobudoí ko'i-Nakoí, simbaí mogiḷambungdon im mo'ikow bo awak monimu inta nopilang bo moko'oyak ko'olingoiandon. Bo potaḷui domandon kon undam polepo kom mata simbaí moko'ontongdon im mo'ikow.

19Intau mita inta kotabi-Ku, mosia tuata im pogumanan-Ku bo sambokon-Ku. Manangka intua koropotdon ing gina monimu bo pogogaidon mogaid kon dosa mita.

20Indoiai! Aku'oi sinimindog kon tayowon ḷolingkop bo nonangkokok. Aka oyuíon in intau nokodongog kon singog-Ku bo momukat kon ḷolingkop; daí tumu'ot in Aku'oi bo mokipodungkuḷ ko'inia bo monga'an moyotakin ing kaminda.

21Mosia inta mo'untung, ogoi-Ku limituí takin-Ku kon tampat pomomarenta'an-Ku, notongkai doman naí Aku'oi inta ain no'untung bo tana'a makow ilimituí noyotakin i Amaí-Ku kon tampat pomomarenta'an-Nya.

22Ki ine im mokodongog, yo tarukira onu inta pinoguman in Roho i Allah kon jama'at mita!"


  Share Facebook  |  Share Twitter

 <<  Wahyu 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel