Alkitab Mobile SABDA
[VER] : [MONGONDOW]     [PL]  [PB] 
 <<  Yohanes 21 >> 

1Nopaḷut makow kon tua ki Yesus bui nokipogontong kon murií-Nya taya pitu kon Danow Tiberias. Nana'a ing kino bobaliínya:

2Kon singgai tobatuí, ki Simon Petrus, ki Tomas inta donoionmai "Apang", ki Natanael inta nongkon Kana kon Galilea, ki adií mita i Zebedeus, bo murií doman mita i Yesus taya dua namangoi noyosipun.

3Ki Simon Petrus noguman ko'i monia: "Aku'oi mayak modomok kon toyak." "Kami dumudui," tubag monia ko'inia. Daí minayakdon im mosia kon uangga. Ta'e tonggobi-i tua mosia diaí nokoaáḷap kon toyak tobatuímai.

4Wakutu mata in singgai momangkoidon momukaí, ki Yesus sinimindogdon kom pintad, ta'e diaíbií kinota'auan monia kong ki Yesus intua.

5Ki Yesus noliboí ko'i monia, "Adií-Ku mita, oyuíon degaí in toyak ko'i monimu?" "Diaí," tubag monia.

6Ki Yesus noguman ko'i monia, "Pogarabdon in landaraímu kon dotaí ing koḷanan uangga, daí moko-aḷapbií im mo'ikow kon toyak." Daí pinogarabdon monia in landaraí tatua, bo mosia diaídon noko-ugut bui sin nobarong totok in toyak kom bonunya.

7Daí murií inta totok kinotabi i Yesus noguman ko'i Petrus, "Ki Tuhan intua!" Naonda ing kinota'auan i Petrus kong ki Tuhan intua, nogiḷambungdon in sia (sin diaí nogiḷambung in sia) bo iḷumabuí in sia kon tubig.

8Murií mita ibanea dinumudui ko'inia nopobayak in toba takin uangga bo ko'ugu-ugut doman in landaraí inta nopuling in toyak, sin diaíbií noyayuk im mosia nongkon toba, degaí tongaí mogatutmai nometer.

9Naonda im mosia noponagdon kon toba, inontongdon monia baga in tuḷu kon tua bo oyuíon doman in toyak bo roti kon tudunya.

10Ki Yesus noguman ko'i monia, "Podiaka mangoi kon tongonumai nobungaí in toyak inta bagu dinomok monimu nion."

11Ki Simon Petrus sinumakoi kon uangga bo nogugut kon landaraí bo pinobayak in toba. Landaraí tatua nopuling in toyak mongoḷoben, mogatut bo lima nopuḷuh botoḷuí ing kobayongea. Ta'e umpakah natua ing kobayong toyak, ta'e diaíbií nobisik in landaraí.

12Ki Yesus noguman ko'i monia, "Koligai monga'andon." Diaí tobatuímai ing kon sigad monia tua nokobalií noliboí, "Mongo ki ine ing ki Amaí!" Sing kinota'auandon monia kong Tuhan in Sia.

13Onda intua ki Yesus dinimiug ko'i monia bo nogamaí kon roti bo nobogoi ko'i monia. Naí doman tua, Sia nobogoi doman in toyak.

14Na'a in intoḷunyadon ki Yesus noki pogontong kom murií-Nya mita naonda im biniagdon bui in Sia nongkon sigad intau mita minatoi.

15Nopaḷut makow mosia nonga'an, ki Yesus noguman ko'i Simon Petrus, "Simon, adií i Yohanes, degaí tabimu i moḷobe-ḷoben nongkon tabi monia ko'i-Nakoí?" "Totu'u, Tuhan," tubag i Petrus, "Kinota'auanbií i Tuhan kon aku'oi im motabibií ko'i Tuhan." Ki Yesus noguman ko'inia, "ḷukadaidon ki adií mita in domba-Ku."

16Ki Yesus bui noliboí nogindua, "Simon adií i Yohanes, degaí motabi ikow ko'i-Nakoí?" "Totu'u, Tuhan," tubag i Petrus, "Kinota'auanbií i Tuhan kon aku'oi i motabibií ko'i Tuhan." Ki Yesus noguman ko'inia, "ḷukadaidon in domba-Ku mita."

17Intoḷunyadon ki Yesus noliboí ko'inia, "Simon adií i Yohanes, motabi degaí ikow ko'i-Nakoí?" Moaíjardon totok ing gina i Petrus sing ki Yesus nodapot ing kotoḷu noliboí ko'inia. Daí ki Petrus notubag bui, "Tuhan, kinota'auanbií i Tuhan bayongan yagi-yagi. Kinota'auanbií i Tuhan kon aku'oi i motabibií ko'i Tuhan!" Bo ki Yesus noguman ko'inia, "ḷukadaidon in domba-Ku mita.

18Na'a im poguman-Ku ko'inimu: Wakutu ikow nogu'odpa, ikowdon tontanií in nogakod kon ogotanmu, bo mayakabií onda ing ko'ibogmu. Ta'e aka ikow moguyangdon, yo potuntunmubií in limamu bo intaudon ibanea i mogakod ko'inimu bo dia'annya kon tampat inta kodoi'mu bayaían."

19(Singog mita i Yesus mopota'aubií kon naonda ing kopopatoi i Petrus kon singgai mo'iduduimai sim mopomulia ko'i Allah.) Nopaḷut makow kon tua ki Yesus noguman ko'i Petrus, "Duduidon ko'i-Nakoí!"

20Wakutu ing ki Petrus nobobui, sia noko'ontong kon tuminyamai i murií inta totok kinotabi i Yesus. (Sia tua inta ilimituí kon diug i Yesus kowakutu in nonga'an bo sia doman inta noliboí ko'i Yesus, "Ki ine im moposarakan ko'i-Nia?")

21Noko'ontongmai ko'inia, ki Petrus noliboí ko'i Yesus, "Tuhan, naonda in sia na'a?"

22Ki Yesus notubag, "Aka mo'ibog in Aku'oi kon sia in umuranpa mobiag modapot in Aku'oi mamangoi bui, yo tua in de'emanbií urusanmu. Ta'e ikow in duduidon ko'i-Nakoí!"

23Daí no'isiardon in habar kon sigad in dumodudui mita i Yesus, kom murií-Nya tatua in diaíbií mato-matoi. Padahaḷ diaíbií ing ki Yesus noguman, kon diaí matoi i murií-Nya tatua, ki Yesus tongaíbií noguman, "Aka mo'ibog in Aku'oi kon sia in umuranpa mobiag modapot in Aku'oi mamangoi bui, yo tua in de'emanbií urusanmu."

24Murií tatuata inta nobogoi ing kosaksian kon soaáḷ mita inta ain nobalií tana'a. Sia domandon tatua inta ain nomais kon na'a. Bo kinota'auanbií naton kon onu im pinogumannya tatua in totu'ubií.

25Nobayongpabií in soaáḷ mita ibanea inta inaidan i Yesus, ta'e aka daiton paison intua, yo rasa'anku dunia na'a diaíbií tugatan potaguían kon onu im paison tatua.


  Share Facebook  |  Share Twitter

 <<  Yohanes 21 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel