Alkitab Mobile SABDA
[VER] : [NIAS]     [PL]  [PB] 
 <<  2 Timotius 2 >> 

1Timoteo, onogu! Ya'abõlõ ndra'ugõ bõrõ wa'ebua dõdõ si no mube'e khõda, bõrõ me ya'ita ha sambua ba khõ Yesu Keriso.

2Famahaõ si fõfõna si no õrongo khõgu fõna niha sato, ya õfaduhusi tõdõ ba niha si tola faduhu dõdõda ba sonekhe mamahaõ niha bõ'õ.

3Lõ tola lõ fao ndra'ugõ wanaha famakao si mane saradadu Yesu Keriso si lõ farõi.

4Saradadu si no so ba halõw̃õ, lõ irõrõ ia ba zoguna khõnia samõsa, bõrõ me omasi ia i'omusoi'õ dõdõ zondrõnia'õ ya'ia.

5Niha si fatandri, lõ tola mõna na lõ i'o'õ fefu goigoi.

6Sonowi si no mamorege fohalõw̃õ, ya'ia zi fõfõna manõndra bua zinanõnia.

7Erõnu zi no uw̃a'õ andre, bõrõ me So'aya dania zame'e khõu fa'atuatua ba wamoboto ba dõdõ niha ma'afefu.

8Tõngõni da'e: Turia Somuso Dõdõ ni'ombakha'õgu andrõ ya'ia duria sanandrõsa khõ Yesu Keriso, ma'uwu Dawido; Ya'ia Keriso si no auri mangawuli moroi ba ngai zi mate.

9Bõrõ wanuriaigõ Turia Somuso Dõdõ andrõ, utaha wamakao; irege na'i larate ndra'o si mane niha samarukhu. Ba Taroma Li Lowalangi lõ tola nirate.

10Da'õ mbõrõ wa utaha manõ fefu da'õ me soguna ba niha si no Ituyu Lowalangi. Utaha fefu da'õ ena'õ lasõndra gõi wangorifi si so ba khõ Yesu Keriso, ya'ia wangorifi same'e fa'ohahau dõdõ irugi zi lõ aetu.

11Sindruhu sibai daroma li andre, "Na no mate ita awõ-Nia, auri dania ita gõi awõ-Nia.

12Na lõ tebulõ tataha wamakao, ba mamatõrõ gõi ita dania awõ-Nia. Na tatimbagõ Ia, Itimbagõ gõi ita dania.

13Na farõi ita, ba lõ farõi Ia, bõrõ me tebai I'osilõ'õgõ Ia samõsa."

14Ya'õfasugi ba dõdõ niha zanandrõsa ba da'e fefu. Fõna Lowalangi, amenesi ira ena'õ bõi fa'udu ira bõrõ ngawua wehede nifo'eluaha. Lõ hadõi gunania da'õ, ha sambalõ samakuyu era'era niha samondrongo.

15Odõdõgõ sibai fa Ifaduhu'õ ndra'ugõ Lowalangi tobali sohalõw̃õ khõ-Nia. Ya õforege ena'õ lõ aila ndra'ugõ ba halõw̃õu, ba faudugõ wamahaõ soroi Lowalangi.

16Arõu'õ wahuohuosa si lõ boto ba sango'aya Lowalangi. Fahuohuosa si manõ ibali'õ monõnõ wa'alõsõkhi niha.

17Famahaõra andrõ hulõ mbou auri sanananana si tugu ara si tugu ebua. Ba gotaluara andrõ so Hemenai'o ba Fileto.

18No fahole ira moroi ba wamahaõ sindruhu, ba lafaheu wamati niha õsa khõ Lowalangi. Law̃a'õ, wa no alua wemaoso moroi ba wa'amate.

19Ba hiza, danedane saro nifazõkhi Lowalangi tebai nifaheu. Yaw̃ania no musura da'e, "No aboto ba dõdõ Zo'aya dana khõ-Nia andrõ", ba ba "Niha sanguma'õ wa tana khõ Zo'aya ia, lõ tola lõ ibõhõli wamazõkhi si lõ sõkhi".

20Bakha ba nomo sebua tesõndra ngawalõ gamagama. So ni'ehao moroi ba wirõ ba ma ana'a, so gõi moroi ba geu ba ma tanõ. So nifake ba halõw̃õ sebua, ba so gõi nifake ba halõw̃õ si to'õlõ.

21Niha sangehao ya'ia moroi ba zi lõ sõkhi fefu, te'oguna'õ ia ba halõw̃õ sebua. Tobali ia okhõta ni'otambali'õ ba moguna sibai khõ zokhõ ya'ia. Lahõnagõ ia nifake ba ngawalõ halõw̃õ si sõkhi fefu.

22Arõu'õ ndra'ugõ moroi zomasimasi dõdõ niha si bohou ebua. Oigõ dõdõu ba wolo'õ somasi Lowalangi, lõ farõi ba wamahaõ-Nia, ba fangomasi'õ awõ, ba ba fa'ahono dõdõ. Ofa'auri zi manõ si fao tanõ bõ'õ si angarõfi li So'aya faoma tõdõ sohauhau.

23Bõi fao ba wada'aw̃asa niha si bodo si lõ mangila hadia ia. Aboto ba dõdõu wa fefu da'õ ha samatumbu'õ fa'udusa.

24Niha sohalõw̃õ khõ Zo'aya lõ guna fa'udu; lõ tola lõ sõkhi linia ba niha fefu, ba ba wa'ebolo dõdõ ifahaõ niha ba zi sõkhi.

25Lõ tola lõ ba wa'asõkhi li ifahaõ niha samadamadaõ; ma sa'atõ Ibe'e ginõtõ ba niha da'õ Lowalangi ba wamalalini era'era moroi ba horõra ba ba wamotokhi ba dõdõra wamahaõ sindruhu.

26Ba zi manõ, aboto ba dõdõra mangawuli, ba aefa ira moroi ba gu'õ Gafõkha si no mama'ala ya'ira ba samaso ya'ira wolo'õ nilau dõdõnia andrõ.


  Share Facebook  |  Share Twitter

Download Audio MP3 (2 Timotius 2):
Mobile (Low Quality) - CD (High Quality)

 <<  2 Timotius 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel