Alkitab Mobile SABDA
[VER] : [NIAS]     [PL]  [PB] 
 <<  Matius 28 >> 

1Me sahulõ wongi sibai luo Migu, me no aefa luo Sabato, mõi ba lewatõ ndra Maria Magadala ba Maria si samõsa andrõ.

2I'anema'õ so ndruru danõ sabõlõbõlõ. Mõi tou samõsa mala'ika moroi ba zorugo ba wangeheta gowe lagõlagõ lewatõ andrõ, aefa da'õ mudadao ia yaw̃a.

3Hulõ gari mbanua mbawa mala'ika andrõ, nukhania afusi sibai, hulõ mbetua.

4Ba ata'u sibai zanaro, oi manizinizi ira, no oi afusi mbawara hulõ zi mate.

5Imane mala'ika khõ ndra alawe andrõ, "Bõi mi'ata'ufi! U'ila wa mõi ami mangalui Yesu si no muforõfa.

6Lõ Ya'ia ba da'e. No maoso Ia si mane si no irai Iw̃a'õ fõna. Mi'aine, mifaigi naha-Nia ba nifafõrõ Ya'ia.

7Iada'e mi'alio'õ we'amõi ba wangombakha khõ nifahaõ-Nia, 'No maoso Ia, ba hiza no Itaritari ba Galilea. Ba da'õ mi'ila Ia dania!' Mitõrõ tõdõmi hadia ia zi no uw̃a'õ khõmi."

8La'alio'õ ira larõi lewatõ. Si fao fa'ata'u ba fa'omuso dõdõ, fagohi ira wangombakha da'õ khõ ndra nifahaõ Yesu.

9Ba hiza, I'ondrasi ndra alawe andrõ Yesu, Imane khõra, "Ya'ahowu!" La'ondrasi Ia, latalagui gahe-Nia, ba mangalulu ira khõ-Nia!

10Imane khõra Yesu, "Bõi mi'ata'ufi, mi'ae'e mi'ombakha'õ khõ ndra nifahaõ-Gu ena'õ mõi ira ba Galilea; ba ba da'õ dania la'ila Ndra'odo."

11Me no aefa mofanõ ndra alawe andrõ, ba mõi gõi õsa zaradadu sanaro andrõ numalõ ba mbanua ba wangombakha hadia ia zalua khõ ndra ere sebua.

12Mamagõlõ ndra ere sebua awõ ndra salaw̃a niha Yahudi. Lahalõ gangetula ba wame'e kefe khõ ndra saradadu sanaro,

13lamane, "Mimane wanguma'õ, no mõi ndra nifahaõ-Nia ba zi bongi wanagõ boto Yesu me alau hõrõma.

14Ba na irongo da'e hõgõ zamatõrõ ba mafahono ia ena'õ lõ hadia ia si gõna ya'ami."

15Lahalõ gefe sõlõsõlõ andrõ ira saradadu sanaro, lalau si mane niw̃a'õ ndra ere sebua awõ ndra salaw̃a niha Yahudi andrõ. Si manõ duria andrõ nifa'emara ba niha Yehuda irugi ma'õkhõ.

16Mõi nifahaõ Yesu andrõ si felendrua ba Galilea molo'õ niw̃a'õ Yesu khõra.

17Ba me la'ila Yesu ba da'õ, latuhi danõ wangalulu khõ-Nia. Ba so gõi ba gotaluara zangiwa tõdõ.

18Andrõ i'ondrasi ira Yesu ba Imane khõra, "Fefu wa'abõlõ ba famatõrõ, he ba zorugo ba he ba gulidanõ no mube'e khõ-Gu.

19Bõrõ da'õ, mi'ae'e midozigõ soi fefu ba zi sagõrõ ulidanõ, mibali'õ nifahaõ-Gu ira. Mibayagõ ira idanõ ba dõi Nama, ba dõi Nono ba ba dõi Geheha Lowalangi.

20Mifahaõ ira ba wolo'õ fefu hadia ia zi no Uw̃a'õ khõmi. Ba mitõngõni! Faofao khõmi Ndra'o irugi gamozua gõtõ danõ andre."


  Share Facebook  |  Share Twitter

Download Audio MP3 (Matius 28):
Mobile (Low Quality) - CD (High Quality)

 <<  Matius 28 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran