Alkitab Mobile SABDA
[VER] : [NIAS]     [PL]  [PB] 
 <<  Yakobus 2 >> 

1Ya'ami ira talifusõgu! Ba wamati khõ Zoaya Yesu Keriso, So'aya fondrege zolakhõmi, bõi mifaehusi niha dali zoroma ba hõrõ.

2Na so samõsa zi so okhõta, samake laeduru ana'a awõ nukha si sõkhi, si mõi ba gowuloami, ba tohare gõi samõsa zi numana, samake nukha si no arawirawi,

3ba abõlõ mifosumange niha samake nukha si sõkhi andrõ. Mimane khõnia: "He Tuha, halõ nahia ba naha si sõkhi andre." Ba ba niha si numana mimane: "Zizio si sa ba da'õ," ma "Dadao tou ba zalo da'e."

4Na milau da'õ, ba no mifaehusi dalifusõ, ba misu'a niha sodanedane ba gera'era si lõ sõkhi.

5Mitõngõni ya'ami ira talifusõ, somasi ndra'o! Niha si numana ba gulidanõ andre, Ituyu Lowalangi tobali niha si so okhõta ba wamati. Ya'ira zangokhõgõ banua nifabu'u Lowalangi ba niha sangomasi'õ Ya'ia.

6Ba hiza, ya'ami ba no mi'ositengagõ zi numana, ba sindruhunia sa, niha si so okhõta zamalangõgõ ya'ami ba solohe ya'ami ba nahia wanguhuku.

7Ya'ira zango'aya tõi nifosumange, nitemami moroi khõ Lowalangi

8No milau zatulõ, na mi'o'õ goroisa mbanua Lowalangi, si so ba Mbuku Ni'amoni'õ andre, "Omasi'õ nawõu si mane fa'omasiu ndra'ugõ."

9Ba na mifaehusi niha dali zoroma ba hõrõ, ba no mifazõkhi horõ, ba oroisa Lowalangi zamaduhu'õ wa no misawõ goroisa.

10Na so niha sanawõ sambalõ goroisa Lowalangi andrõ, ba no isawõ goroisa andrõ fefu.

11Bõrõ me sanguma'õ: "Bõi ohorõ", da'õ gõi zanguma'õ: "Bõi ange'e". Tobali he na lõ mohorõ, ba na mange'e ndra'ugõ, ba no sanawõ oroisa ndra'ugõ.

12Miw̃a'õ niw̃a'õmi ba milau hadia ia, si mane niha ni'etu'õ huku sodanedane ba goroisa Lowalangi sangetu'õ huku niha.

13Lõ'õ sa fa'ahakhõ dõdõ Lowalangi ba niha si lõ fa'ahakhõ dõdõ. Ba hiza, fa'ahakhõ dõdõ abõlõ ia moroi ba wanguhuku.

14Ya'ami ira talifusõ! Hadia guna na iw̃a'õ niha, "So khõgu wamati," na tebai oroma ba mbuabua? Hadia tola i'orifi ia famati si manõ?

15Ba na so dalifusõ si sara lala wamati si lõ nukha ba sambõ balazo ndrege zi ma'õkhõ,

16hadia guna na õw̃a'õ khõnia: "Ya'ohahau dõdõu wonukha ba ya'ohahau dõdõu wemanga!" -- na lõ õbe'e khõnia zoguna ba wa'aurinia?

17Si manõ gõi wamati na lõ oroma ba mbuabua, lõ gunania.

18Ba ma so zanguma'õ: "So niha sangodaligõ famatinia ba so gõi zangodaligõ buabuania", utema li: "Oroma'õ khõgu hewisa wa tola so wamati ba niha na lõ buabua, ba u'oroma'õ ba mbuabuagu wa so khõgu wamati."

19Mamati ami wa ha samõsa Lowalangi, lõ? Eheha si lõ sõkhi andrõ gõi faduhu dõdõra ba manizinizi ira wa'ata'u!

20Sambõ tõdõ ami! Hadia moguna muforoma'õ khõmi wa lõ guna wamati si lõ buabua?

21Hiza duada Aberahamo. Sõkhi wanema'õ Lowalangi ya'ia bõrõ mbuabuania, me ibe'e sumange nononia Iza'aki khõ Lowalangi ba nahia wame sumange.

22Ba da'e oroma, wa famati lõ tola lõ muforoma'õ faoma buabua, ena'õ tefo'ahonoa.

23Faudu molo'õ si so ba Mbuku Ni'amoni'õ: "Mamati Gaberahamo khõ Lowalangi, ba bõrõ wamatinia andrõ, Itehe khõnia Lowalangi tobali solo'õ khõ Lowalangi ia." Andrõ wa labe'e tõi Gaberahamo: "Si fahuwu khõ Lowalangi".

24Oroma iada'e, Itehe satulõ niha Lowalangi bõrõ mbuabua, ba tenga ha bõrõ wamati manõ.

25Si manõ gõi Rakhaba, ira alawe sohorõhorõ andrõ. Itehe satulõ ia Lowalangi bõrõ mbuabuania, me ifa'amõi yomo khõnia soi Gizera'eli samauze andrõ, ba me ifatõrõ ira ba lala bõ'õ ba woloi.

26Hulõ mboto si lõ noso, ba si mate mboto andrõ. Si manõ gõi wamati andrõ na lõ buabua, no famati si mate.


  Share Facebook  |  Share Twitter

Download Audio MP3 (Yakobus 2):
Mobile (Low Quality) - CD (High Quality)

 <<  Yakobus 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel