Alkitab Mobile SABDA
[VER] : [SANGIR]     [PL]  [PB] 
 <<  2 Korintus 12 >> 

1Mamben tawẹ untune kereu lumesạ. Kaiso iạ e mang mapulu lumesạu apan tinodẹ u Ruata e si siạ su ral᷊ungu pẹ̌lal᷊ahẹ arau su ral᷊ungu papasilo.

2Iạ e masingkạu tau Sahani sěngkatau kụ mapul᷊o ěpạ su taunge tamai nal᷊iu e nihengkẹ sol᷊ong tampạ karangetange su sorga. (Iạ e wěga wue měnsang badange kahěnga-hěngang nasapuạ arau ene samatang sěmbaụ papasilo -- kětạeng Mawu Ruata masingkạ.)

3Sěnsul᷊ẹko l᷊ai saụ takụ ipaul᷊ị: Iạ masingkạ tau ini e niapakapuạ sol᷊ong Firdaus. (Iạ e wěga měnsang kahěnga-hěngang badange nasapuạ arau kai kětạeng sěmbaụ papasilo -- kětạeng Mawu Ruata masingkạ.) Kụ sene tau ene dụdaringihẹ̌ apang kụ ta ikaweran taumata ringangu apan tawe iapakawala ipakiwera su taumata.

4(12:3)

5Kai waugu taumata ene e iạ e mapulu lumesạ, bal᷊inewe ual᷊ingu watangengku. Baugu watangengku e tumbạeweng kakakoạ kụ mělẹ̌lahẹu karal᷊omeku e, hinon takụ ilesạ.

6Ungkuěng manga iạ e mang mapulu l᷊ai piạu ilesạ, ute iạ e tawe mapulu kětạeng makoạ taharụdato kụ kawe tạ katěngade. Kai iạ e mang mẹ̌tingkědang u watangeng, tadeạu tạ apa taumata měngiral᷊ingu iạ kai limembo wọu apang kinasilone takụ kinoạ, dingangu seng kinaringihe seng takụ nibawera e.

7Kaiso tadeạu iạ e tawe tumanịe mangobotẹ̌ ual᷊ingu manga papasilo masasěllahẹ̌ ene, batangengku nighělirangu sakị su wadang kụ al᷊ingkai pal᷊akarạ u setang. Sakị ene niapahombang baugu ipěmahang si siạ tadeạu iạ e tawe mẹ̌těngkarangẹ u naung.

8Těllun sul᷊e iạ mẹ̌kẹ̌kal᷊iomaneng su Mawu tadeạu sakị ene al᷊akeng bọu wadangku.

9Kaiso Mawu e kai simimbang u, "Iạ e kụkěndagi kau ringangu ene e seng kapapiane waug'i kau; u kawasa-Ku e limembọeweng katoghase kereu i kau e su ral᷊ungu karal᷊ome." Kai ual᷊ingu ene hakịu iạ e mạpiangbe lumesạu karal᷊omeku, u kereu iạ e lome, ute hatede su tempo ene iạ makạpěndang u i Kristus e mạněntanudu katoghase si Siạ e.

10Tangu iạ e měngkai lụl᷊uasu kal᷊awọu karal᷊omeku. Kerene lai iạ e mal᷊aing mal᷊uasẹ̌ kereu ual᷊ingu i Kristus iạ e tẹ̌tongkeaneng, iạ e lẹ̌hombangengu wěhạ, pěsẹ̌sasahusuang, dingangu iạ e lẹ̌hombangengu susa. U kamagengu iạ lome, ute seng su orasẹ̌ ene e iạ matoghasẹ̌.

11Mamben těngadẹ̌ iạ seng nẹ̌těngkakoạ kere taumata longong -- kaiso kai i kamene nakawodaị si siạ nakoạ kerene. Tumuhụ hinone e kai i kamene hinong mẹ̌dalo si siạ. U manilaing iạ tawẹ mangal᷊ene apa, kai iạ e tawe nanawo sarang kadodọ, su kal᷊awọu manga "rarolohang" baigẹ̌ ene!

12Kal᷊awọu karal᷊inaụ dingangu kakakoạ tawẹ sihinge ore lai manga munara masasěllahẹ̌ e sen takụ tinodẹ dingangu kasasabarẹ̌ si kamene baugu ipělẹ̌lahẹ u iạ e kai sěngkatau rasulẹ̌.

13Kai su hal᷊ẹ̌ sude i kamene nipal᷊andaěng kereu isukạ su manga jamaatẹ̌ bal᷊ine? Mẹ̌těngkarangẹ kětạeng su kakakoạ ini: u iạ e tawe naměhạ si kamene waugu pěngangongkosẹ̌ si siạ e. Iạ ampungẹ e su pẹ̌sasal᷊aku ene!

14Kụ ini e seng katěllun sul᷊ene iạ sadia mẹ̌tiwo si kamene. Dingangu iạ e tawe mapulu makasigěsạ si kamene, u takụ ilẹ̌lundang e ute wal᷊inewe rarotong i kamene, kaiso kawe watangeng i kamene. U wal᷊inewe manga rariọ e hinong mẹ̌deạ biahu ghaghurange, kaiso kawe maghurange hinong mẹ̌deạ biahu pal᷊ahanạ e.

15Ual᷊ingu ene tangú mal᷊uasẹ̌ bue iạ e manarakangu patikụ sabarang e waug'i kamene, sarang l᷊ai wadangku e takụ isarakang baug'i kamene. Kereu iạ e kereng kakěndage si kamene, ute hinone wue ngae i kamene mahal᷊in tatal᷊ěntụ e si siạ?

16Ho! I kamene e mal᷊aing kimire u iạ e tawe sarang sěnsul᷊e nakasigěsạ si kamene. O kawe piạu měbẹ̌bera u iạ ini e mal᷊iewehẹ̌; u iạ e makạhombang untunge wọu i kamene ual᷊ingu tahuakal᷊ẹ̌ku.

17Makoạbe kereapa! Arau iạ e kai mạnawụ untunge wọu i sire takụ irẹ̌dolohẹ̌ si kamene tangu?

18Iạ e seng nendoloh'i Titus pinẹ̌tiwo si kamene, ringangu iạ něndolohu anạ u sěmbaụ Sahani wal᷊ine ene niapataking si sie. Kụ kai mạngal᷊ạ untunge i Titus bọu i kamene ngae? Kai i kandua e mělẹ̌hal᷊ẹ̌be timonane mẹ̌sul᷊ung mase koạ u pělahal᷊ẹ̌ i kandua e mal᷊aing mẹ̌sul᷊ung.

19Aramanung su tiněnnang kamene i kami e kai mědeạu mẹ̌tahutěndạu watangeng i kami su těngong kamene? I kamene mambeng nẹ̌sal᷊a ěnna! Mawu Ruata e masingkạ u kěbị iwẹ̌berang kami e ute kai tụtuhụ kapulung Kristus. Dingangu kěbị apan nikoạ i kami e kai waugu ipạmětị pẹ̌bawiah'i kamene marohkẹ̌.

20Iạ e ghụgěnggang, u su tempong iạ mẹ̌tiwo si kamene sarung, takụbe kaẹ̌bakeng i kamene e wal᷊inewe kere lẹ̌harapeng. Kiwuạu kai sarung piạu měmpẹ̌kakoka, mẹ̌sasingking, naung matětị, mal᷊aanggang, měmpẹ̌sasamedẹ̌, měmpẹ̌sẹ̌sasahowong, obotẹ̌ dingangu pẹ̌gaghaghohaeng.

21Iạ kai ghụgěnggang u kamagengu su tempong iạ duměnta ute Mawu Ruata e sarung mapakasanạ'u iạ sutěngong kamene, dingangu iạ e sarung sumangị batụu mal᷊awọ sutal᷊oarang kamene e kụ nạung měmpědẹ̌dosa e tawe nẹ̌bal᷊ui ringangu tawe něngědo wọu kakakoạ i sire lamuhụ, kotorẹ̌ dingangu tawe su hinone.


  Share Facebook  |  Share Twitter

 <<  2 Korintus 12 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel