Alkitab Mobile SABDA
[VER] : [SANGIR]     [PL]  [PB] 
 <<  Kolose 2 >> 

1Iạ e mapulu tadeạu i kamene e masingkạ měnsang kereapa katoghase iạ měbẹ̌bangkuadẹ̌ baụgi kamene ringangu waugi sire su Laodikia ringangu patikụ apang běgang iạ.

2Kěbị e takụ kinoạ tadeạu naung i sire mawal᷊insahẹ̌ dingangu i sire mẹ̌kakakěndagẹ̌ hakịu ene i sire masěmbaụ kahěnga-hěngang. Ual᷊ingu ene i sire ute těnga-těngadẹ̌ makaěnna ringangu měngiaking ore lai makakasingkạ u rahasian Duata e, kai i Kristus sẹ̌sane.

3I Kristus e kai nakawualagu patikụ sipirang mapia ringangu kasingkạ u Ruata nạung mạbawuni.

4Iạ maul᷊ịu ini e tadeạu i kamene kumbahangbe kaakal᷊eng i sai-saim biwihe mararěngang.

5U manịeng badangku e maraung kamene, kai koạ e kere iạ ene sutal᷊oarang kamene. Iạ e měngkai mal᷊uasẹ̌ makạsilọ e si kamene sěngkanaung dingangu matoghasẹ̌ su pěngangimang si Kristus.

6Manga anạ u sěmbaụ kụ sen dimaẹ si Kristus Yesus Mawu e. Batụu ene i kamene pěmpẹ̌biahẹ̌be mạkakauhẹ̌ dingang'E,

7ringangu měhamụ su ral᷊ungi Sie. I kamene e pěmpamětịkom pẹ̌bawiahi kamene ringangi Kristus pěmamanggilange. Pakahuntinambangkom pěngangimang i kamene e si Kristus, tumuhụ apan seng nitěntirone si kamene. Kụ naung i kamene e pakatatompẹko ringangu waweran tatarimakasẹ.

8Pakatateghang bue i kamene, kumbahangbe sarang piạu měmitaugẹ̌ si kamene, wěmbingang u těntirong manga kapanden taumata tạ mangal᷊ene, kětạeng makapal᷊idẹ̌. Manga kapanden dunia ene e wal᷊inewe wọi Kristus, kaiso kai wọu kapanden taumata samatang, dingangu wọu manga rohkẹ̌ u kawasan dunia.

9Batụu patikụ kakakoạ u Ruata e nẹ̌banua si Kristus su pẹ̌bawadang'E.

10Kụ ual᷊ingu mẹ̌biahẹ̌ nasěmbaụ dingangi Kristus, i kamene mal᷊aing nighělirangu pẹ̌bawiahẹ̌ masukụ. Batụu i Kristus e kai těmbọ u patikụ rohkẹ̌ mạngawasa ringangu mẹ̌paparenta.

11Ual᷊ingu nasěmbaụ dingangi Kristus e ute i kamene seng nisunatẹ̌, bal᷊inewe ual᷊ingu sunatẹ̌ kinoạ u taumata, kaiso kawe ual᷊ingu sunati Kristus kụ seng něliung kamene wọu kawasang kakanoạ marosa.

12Batụu su tempong kamene nịsasahani, ute i kamene kai nilẹ̌bing dingangi Kristus; kụ mal᷊aing dingangu sasahani ene, i kamene nipẹ̌biahẹ̌ kapia ringangi Kristus ual᷊ingu i kamene mangimang kawasan Mawu Ruata seng napẹ̌biahi Kristus wọu papatene.

13I kamene nạung nate tuhụ marohkẹ̌ ual᷊ingu i kamene warạdosa, ringangu i kamene tawe nisunatẹ̌ tuhụ gěsi. Arawe orasẹ̌ ini Mawu Ruata napẹ̌biahi kamene ringangi Kristus. Mawu Ruata seng něngampung kal᷊awọu rosang kitẹ,

14dingangu něndẹ̌dasẹ̌ pẹ̌sasal᷊ang kitẹ kụ mẹmatakụ i kitẹ dingangu atorange mawawěhạ. Dingangu měnděkạ winohẹ ene su kalu piněnggantongan, Mawu Ruata e něndẹ̌dasem patikụ laěnsilẹ̌ si kitẹ.

15Su kalu kuruisẹ̌ ene e i Kristus namatạ kal᷊awọu haghin rohkẹ̌ u mananěmbonang dingangu mangangawasa e nasue něngkaěnsu. I sire nakoạ bawialaěng u l᷊awọ su piạ i Kristus měngẹ̌ngahạ i sire tabidạen tau kinataweng mạbawol᷊eng sutal᷊oaran wuntuangu nakauntung.

16Kụ kumbahang mapakawalan taumata e mapẹ̌sal᷊ang kamene su hal᷊ẹ̌ u kakaěng dingangu pěnganginung, arau su hal᷊ẹ̌ewelain manga haribasarẹ̌ u agama arau ral᷊uasu wul᷊ang sumendạ arau ěllon Sawadẹ̌.

17Kěbị tamai ene e kětạeweng kěngkaung apan sarung duměnta, arawe karal᷊ahẹu wọu kěbị ene ute kai i Kristus!

18Kumbahangbe i kamene mapakawalam batangeng makịakal᷊ẹ̌ su taumata apang mẹ̌měllewe mẹ̌tẹ̌těngkasanạu naung dingangu mẹ̌ngadatẹ̌ manga malaekatẹ̌. Taumata kerene ute kai měngẹ̌ngobotu manga tiněnnane mạdunia ringangu lụlansịu apan uade kinasilone hala,

19hakịu semben tawe mapulu měngumbala si Kristus nakoạ těmbọe. Su l᷊imang kawasang Kristus e, kạguwạu wadange mạpadul᷊i ringangu mědẹ̌dalahěmpụ apan laese, tụtuwọen sasombọ u Mawu Ruata e.

20I kamene seng nate ringangi Kristus, ringangu seng niliu wọu manga rohkẹ̌ u mangangawasa runia ini. Kụ, kawe unụe i kamene měbẹ̌biahẹ̌ kere taumata wẹ̌dang makịkawasa su dunia ini? Kawe unụe i kamene měngkai kụkakoho su manga atorang kerene,

21"Kumbahang mẹ̌temang ene", "Kumbahang měnenggẹhẹ̌ apa ini"?

22Kěbị atorang ene kai mang mạul᷊ịu apang paketang tawẹ gunane. Ene kětạeweng kal᷊awọu atorang dingangu manga těntiro apan nịkakoạ u taumata.

23Tamai ene těngadẹ̌be ikẹ̌kasilo e kai munarang katatahuěnna, piạ e laansange tadeạu taumata e pạněmba malaekatẹ̌, mẹ̌těngkasanạ u naung dingangu pamamanti wadang, kaiso kěbị e mamben tawẹ gunane waụgu ipěnal᷊udẹ̌ ěnningu ghẹ̌si.


  Share Facebook  |  Share Twitter

 <<  Kolose 2 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran