Alkitab Mobile SABDA
[VER] : [SASAK]     [PL]  [PB] 
 <<  Kolose 4 >> 

1Semeton senamian saq jari majikan! Side pade harus perlakuang hambe-hambende secare kenaq dait adil. Pade inget bahwe side pade ẽndah bedowẽ sopoq majikan lẽq sorge.

2Side pade harus tekun bedo'e dait tetep waspade dait besyukur lẽq Allah.

3Do'eang ẽndah tiang pade adẽq Allah ngicanin tiang pade kesempatan saq bagus jari nyampẽang berite mengenai rahasie Almasih. Lantaran hal nike make mangkin niki tiang araq lẽq dalem bui.

4Bedo'e adẽq tiang bau jelasang rahasie nike sejelas-jelasne maraq berembẽ seharusne.

5Lẽq dalem hubungan side pade kance dengan-dengan saq ndẽq percaye, side pade harus idup bijaksane dait solah-solah kadu sebilang kesempatan.

6Adẽq hal-hal saq side pade ucapang miaq dengan jari seneng. Side pade harus nenaoq berembẽ seharusne side pade bejawab napi saq teketuanang siq dengan.

7Tikikus, semetonte saq ite kasihin, gen badaq side pade selapuqne mengenai tiang. Ie setie begawẽan bagi Tuhan bareng kance tiang pade.

8Tiang ngutus ie tipaq side siq maksut adẽq side pade nenaoq keadaan tiang pade dait side pade tehibur.

9Tikikus gen lumbar bareng kance Onesimus; ie ẽndah salaq sopoq dengan lẽman kalangande. Ie dengan saq setie, dait tiang pade ngasihin ie. Ie pade gen bebadaq tipaq side selapuq hal saq telaksane lẽq taoq tiang niki.

10Aristarkus, saq bareng tebui kance tiang, ngirim salam tipaq side pade. Maraq nike ẽndah Markus, pisaqne Barnabas. (Side pade sampun tekirimang berite jari nyambut ie lamun ie dateng ojok side.)

11Salam ẽndah lẽman Isa saq tesebut Yustus. Cume ketelu dengan niki lẽman ie pade saq besunat saq jari batur tiang saq bareng-bareng begawẽan umaq Kerajaan Allah; ie pade saq sampun miaq angen tiang jari tehibur.

12Salam lẽman Epapras. Ie ẽndah salaq sopoq dengan lẽman kalangande. Ie hambe Deside Isa Almasih, saq tetep tekun do'eang side pade. Sanget siqne tunas lẽq Allah adẽq keyakinan side jari kuat dait side pade tetu-tetu dẽwase, adẽq side pade jari sempurne dait taat lẽq pekayunan Allah.

13Tiang saksiang mẽsaq bahwe ie sampun lelah begawẽan jari side pade dait jari dengan-dengan saq lẽq Laodikia dait lẽq Hierapolis.

14Tabib Lukas, saq ite kasihin, dait Demas ngirim salam tipaq side.

15Sampẽang salam tiang pade tipaq semeton-semeton seiman lẽq Laodikia; dait ẽndah tipaq Nimpa dait tipaq jemaah saq beribadah lẽq balẽne.

16Sesampun side tebaceang surat niki, usaheang ẽndah tebaceang lẽq jemaah Laodikia. Maraq nike ẽndah side mẽsaq harus bace surat saq gen tekirim lẽman Laodikia tipaq side.

17Dait badaq Arkipus, "Inget solah-solah bahwe side harus nutuqang tugas saq sampun side terimaq lẽman Tuhan."

18Salam niki tiang tulis kadu ime tiang mẽsaq. Inget bahwe tiang masih lẽq dalem bui! Rahmat Allah araq bareng kance side pade.


  Share Facebook  |  Share Twitter

 <<  Kolose 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel