Dual PanelPamilangon Paduahalihon bani Halak Israel
1Dob maronti sampar ai, marsahap ma Jahowa hubani si Musa pakon hubani si Eleasar, anak ni Malim Aron, nini ma,
2“Suratkon ma bilangan ni ganup tumpuan ni halak Israel, singgan ni na marumur dua puluh tahun pakon lobih hunjai mar sasaompung, ganup dalahi na boi mangimbang munsuh.”
3Dob ai marsahap ma si Musa pakon Malim Eleasar hubani sidea bani pamah Moab, i topi ni Jordan, tontang ni Jeriko, nini ma,
4“Singgan ni na marumur dua puluh tahun pakon lobih hunjai, maningon bilangan do songon na tinonahkon ni Jahowa hubani si Musa. Halak Israel na dob luar hun tanoh Masir, ai ma:
5Si Ruben, bunga tubuh ni Israel. Anak ni si Ruben, ai ma: Si Henok, marharorohan humbani do halak Henoki; si Palu, harorohan ni halak Palui;
6si Herson, harorohan ni halak Hersoni; si Karmi harorohan ni halak Karmi.
7Ai ma ginompar ni halak Ruben, anjaha bilangan ni sidea ompat puluh tolu ribu pitu ratus tolu puluh halak do bueini.
8Ia anak ni si Palu, ai ma si Eliab.
9Anak ni si Eliab ai ma: Si Nemuel, si Datan pakon si Abiram. Ai ma si Datan pakon si Abiram, na tardilo humbani kuria ai, na mambahen partinggilan dompak si Musa pakon si Aron i tongah-tongah ni halak na sapartahian pakon si Kora, sanggah na manjahati sidea dompak Jahowa.
10Jadi ipangangang tanoh ai ma babahni, lanjar ibondut ma sidea rap pakon si Kora, sanggah na bois ipangan apuy na dua ratus lima puluh halak ai, ase gabe panjoraan ma sidea.
11Tapi seng matei anggo anak ni si Kora.
12Anak ni si Simeon mar sasaompung: Si Nemuel, harorohan ni halak Nemueli; si Jamin, harorohan ni halak Jamini; si Jakim, harorohan ni halak Jakini;
13si Serah, harorohan ni halak Serahi; si Saul, harorohan ni halak Sauli.
14Ai ma ginompar ni halak Simeon, dua puluh dua ribu dua ratus halak bueini.
15Anak ni si Gad mar sasaompung: Si Zefon, harorohan ni halak Zefoni; si Haggi, harorohan ni halak Haggi; si Suni, harorohan ni halak Suni;
16si Osni, harorohan ni halak Osni; si Eri, harorohan ni halak Eri;
17si Arod, harorohan ni halak Arodi; si Areli, harorohan ni halak Areli.
18Ai ma ginompar ni halak Gad mangihutkon bilangan ni sidea, ompat puluh ribu lima ratus halak bueini.
19Ia anak ni si Juda, ai ma: Si Er pakon si Onan; tapi matei do si Er pakon si Onan i tanoh Kanaan.
20Anak ni si Juda mar sasaompung: Si Sela, harorohan ni halak Selani; si Peres, harorohan ni halak Peresi; si Serah, harorohan ni halak Serahi.
21Ia anak ni si Peres: Si Hesron, harorohan ni halak Hesroni; si Hamul, harorohan ni halak Hamuli.
22Ai ma ginompar ni halak Juda mangihutkon bilangan ni sidea, pitu puluh onom ribu lima ratus halak bueini.
23Anak ni si Isasar mar sasaompung: Si Tola, harorohan ni halak Tolai; si Pua, harorohan ni halak Puai;
24si Jasub, harorohan ni halak Jasub; si Simron, harorohan ni halak Simroni.
25Ai ma ginompar ni halak Isasar mangihutkon bilangan ni sidea, onom puluh ompat ribu tolu ratus halak bueini.
26Anak ni si Sebulon mar sasaompung: Si Sered, harorohan ni halak Seredi; si Elon, harorohan ni halak Eloni; si Jahleel, harorohan ni halak Jahleeli.
27Ai ma ginompar ni halak Sebulon mangihutkon bilangan ni sidea, onom puluh ribu lima ratus halak bueini.
28Anak ni si Josep mar saompung: Si Manase pakon si Efraim.
29Anak ni si Manase: Si Mahir, harorohan ni halak Mahiri; si Mahir do homa bapa ni si Gilead, harorohan ni halak Gileadi.
30On do anak ni si Gilead: Si Jeser, harorohan ni halak Jeseri; si Helek, harorohan ni halak Heleki;
31si Asriel, harorohan ni halak Asrieli; si Sikem, harorohan ni halak Sikemi;
32si Semida, harorohan ni halak Semidai; si Hefer, harorohan ni halak Heferi.
33Tapi anggo si Zelefad, anak ni si Hefer, lang dong tubuhan anak, pitah boru do hansa, anjaha goran ni boru ai, ai ma: Si Mahala, si Noah, si Hogla, si Milka pakon si Tirsa.
34Ai ma ginompar ni si Manase; anjaha bilangan ni sidea lima puluh dua ribu pitu ratus halak do bueini.
35On do ginompar ni si Efraim mar sasaompung: Si Sutelah, harorohan ni halak Sutelahi; si Beker, harorohan ni halak Bekeri; si Tahan, harorohan ni halak Tahani.
36On do anak ni si Sutelah: Si Eran, harorohan ni halak Erani.
37Ai ma ginompar ni halak Efraim mangihutkon bilangan ni sidea, tolu puluh dua ribu lima ratus halak bueini. Ai ma anak ni si Josep mar sasaompung.
38Anak ni si Benjamin mangihutkon ginompar ni sidea: Si Bela, harorohan ni halak Belai; si Asbel, harorohan ni halak Asbeli, si Ahiram, harorohan ni halak Ahirami;
39si Sefufam, harorohan ni halak Sefufami; si Hufam, harorohan ni halak Hufami.
40Ia anak ni si Bela, ai ma: Si Ard pakon si Naeman, harorohan ni halak Ardi pakon halak Naemani.
41Ai ma ginompar ni si Benjamin mangihutkon ginompar ni sidea, anjaha bilangan ni sidea ompat puluh lima ribu onom ratus halak do bueini.
42Anak ni si Dan mangihutkon ginompar ni sidea: Si Suham, harorohan ni halak Suhami. Ai ma ginompar ni si Dan mangihutkon ginompar ni sidea.
43Bilangan ni ganup halak Suhami onom puluh ompat ribu ompat ratus halak do bueini.
44Anak ni si Asser mangihutkon ginompar ni sidea: Si Jimma, harorohan ni halak Jimmai; si Jiswi, harorohan ni halak Jiswii; si Beria, harorohan ni halak Berii.
45Anak ni si Beria: Si Heber, harorohan ni halak Heberi; si Malkiel, harorohan ni halak Malkieli.
46Ia goran ni boru ni si Asser, ai ma si Serah.
47Ai ma ginompar ni halak Asser mangihutkon bilangan ni sidea, lima puluh tolu ribu ompat ratus halak bueini.
48Anak ni si Naftali mangihutkon ginompar ni sidea: Si Jahzeel, harorohan ni halak Jahzeeli; si Guni, harorohan ni halak Gunii;
49si Jezer, harorohan ni halak Jezeri; si Sillem, harorohan ni halak Sillemi.
50Ai ma ginompar ni halak Naftali mangihutkon ginompar ni sidea, anjaha bilangan ni sidea ompat puluh lima ribu ompat ratus halak do bueini.
51Ai ma ganup bilangan ni halak Israel, onom ratus sada ribu pitu ratus tolu puluh halak bueini.”
Pasal Parbagi ni Tanoh
52Dob ai nini Jahowa ma hubani si Musa,
53“Maningon hubani halak on do bagion tanoh ai bahen parbagiananni mangihutkon bilangan ni goran-goran.
54Hubani na buei maningon pagandaonmu do parbagiananni, hubani na otik maningon paotikonmu do parbagiananni, ganup marguru hubani bilanganni bereon parbagiananni.
55Tapi maningon manjomput na sinurat bagion tanoh ai, maningon marguru hubani goran-goran ni marga mar sasaompung sidea dapotan parbagianan.
56Maningon manjomput na sinurat bagihonon parbagiananni bei, hubani na buei bilanganni pakon hubani na otik bilanganni.”
Bilangan ni Halak Levi
57Anjaha on do bilangan ni halak Levi mangihutkon ginompar ni sidea, “Si Gerson, harorohan ni halak Gersoni; si Kahat, harorohan ni halak Kahati; si Merari, harorohan ni halak Merarii.
58On do ginompar ni si Levi: Halak Libni, halak Hebroni, halak Maheli, halak Musi, halak Korahi. Tapi si Kahat do bapa ni si Amram.
59Ia goran ni parinangon ni si Amram, ai ma si Jokebed, boru ni si Levi, na tinubuhkon ni si Levi i tanoh Masir; anjaha ia use manubuhkon bani si Amram: Si Aron, si Musa pakon si Miryam, botou ni sidea ai.
60Anjaha anak ni si Aron, ai ma: Si Nadab, si Abihu, si Eleasar pakon si Itamar.
61Tapi girah do matei si Nadab pakon si Abihu, sanggah na binoban ni sidea apuy na legan hu lobei ni Jahowa.
62Ia buei ni bilangan ni sidea; dua puluh tolu ribu ganup dalahi, singgan ni na marumur sabulan pakon lobih hunjai; lang dihut sidea tarbilang rap pakon halak Israel, halani lang dapotan parbagianan sidea i tongah-tongah ni halak Israel.
63On do bilangan ni halak Israel, na binilang ni si Musa pakon Malim Eleasar i sampalan ni Moab i lambung ni Jordan, tontang ni Jeriko.
64Anjaha i tongah-tongah ni halak on sahalak pe lang dong be humbani na binilang ni si Musa pakon Malim Aron na ijia, sanggah na binilang ni sidea halak Israel i halimisan Sinai.
65Ai domma ihatahon Jahowa hinan bani sidea, ʻManingon matei sidea i halimisan. Sada pe lang dong na teba humbani sidea age sahalak, sobali si Kaleb, anak ni Jepunne, pakon si Josua, anak ni si Nun.ʼ”