Alkitab Mobile SABDA
[VER] : [SIMALUNGUN]     [PL]  [PB] 
 <<  Kejadian 33 >> 

Mardear si Jakob pakon si Esau

1Dob ai manatap-natap ma si Jakob, jadi iidah ma roh si Esau rap pakonsi ompat ratus halak hasomanni. Jadi ibagihon ma anakni ai hubani si Lea, si Rahel pakon jabolon naboru na dua halak ai.

2Parlobei ma ibahen jabolon naboru na dua ai rap pakon anak ni sidea, ipudi ni sidea si Lea pakon anakni, anjaha si Rahel pakon si Josep parpudi sahalian.

3Anjaha ia sandiri mardalan i lobei ni sidea, jadi mangunduk ma ia pitu hali das hu tanoh paima das ia hubani abangni ai.

4Tapi marlingkat ma si Esau manjumpahkonsi, idahop ma ia, irohop ma borgokni, anjaha isummah ma ia, anjaha tangis bei ma sidea.

5Dob ai mangkawah ma si Esau, iidah ma puang-puang pakon dakdanak ai, jadi nini ma, “Ise do halak na rapkon ho on?” Balos ni si Jakob, “In ma dakdanak na nilayakkon ni Naibata hubani jabolonmu on.”

6Dob ai roh ma hundohor jabolon naboru na dua ai rap pakon anak ni sidea, lanjar manombah ma sidea.

7Si Lea pakon anakni pe roh ma hundohor, lanjar manombah ma homa sidea. Dob ai parpudi sahali roh ma hundohor si Josep pakon si Rahel, lanjar manombah ma homa sidea.

8Nini si Esau ma: Aha do sura-suramu marhitei haganup tumpuan na dob manjumpahkon ahu nongkan? Balosni: Ase dapotan idop ni uhur ahu i lobei ni tuanku.

9Tapi nini si Esau ma: Sungkup do bangku, ambia, bam na dong bam hinan.

10Nini si Jakob ma: Ulang ma sonai, anggo maidop do uhurmu mangidah ahu, jalo ham ma sibere-berengkon hun tanganku; ai songon na mangidah bohi ni Naibata do ahu mangidah bohimu, anjaha layak do ham hu bangku.

11Jalo ham ma siluahku na binoan in bamu, ai layak do Naibata bangku anjaha sungkup do ganup bangku. Sai ielek-elek ma ia, gabe ijalo ma.

12Dob ai nini si Esau ma: Eta ma hita misir, ahu pe i lobeimu.

13Tapi nini si Jakob ma dompaksi: Ibotoh tuanku do na hurang gogoh ope dakdanak on anjaha dong ope biribiri pakon lombu na pabagodkon rapkon ahu, anjaha sadari gelah naolos-olos, matei ma haganup pinahan in.

14Dear ma parlobei tuanku humbangku, jabolonmu on, ai mangiring-iring do ahu, marguru hubani panlangkah ni pinahan na i lobeihu, marguru hubani panlangkah ni dakdanak on, das bani na roh ahu marayak tuanku hu Seir.

15Jadi nini si Esau ma: Anggo sonai hutadingkon ma deba humbani hasomankon bahen hasomanmu.” Tapi nini ma, Aha ma porluni ai? Asal ma dapotan idop ni uhur ahu i lobei ni tuanku.

16Jadi mulak ma si Esau bani na sadari ai hu Seir.

17Tapi laho ma anggo si Jakob hu Sukot, ipauli ma rumahni sada, anjaha ibahen harang ni pinahan; halani ai do ase Sukot goran ni ianan ai.

18Jadi das ma si Jakob mardamei-damei hu huta Sikem na i tanoh Kanaan, bani pardalananni hun Padang Aram; ipajongjong ma barung-barungni i lobei ni huta ai.

19Iboli ma sanlambar juma hajongjongan ni barung-barungni ai, marharga saratus rupiah, humbani anak ni si Hemor, bapa ni si Sikem.

20Ipajongjong ma ijai anjapanjap sada, ibahen ma goranni: Naibata do Naibata ni si Israel.


  Share Facebook  |  Share Twitter

 <<  Kejadian 33 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran