Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 12 >> 

Tonggo Mangindo Pangurupion Marimbang Halak Parjahat

1Bani pambobai koor. Domu hubani na paualuhkon. Psalm ni si Daud.

2(12-3) Sai ladung do isahapkon samah sidea, marbibir na landit anjaha mardua uhur do sidea marsahap.

3(12-4) Sai ijabir Jahowa ma sagala bibir na landit, pakon haganup dilah na toal marsahap,

4(12-5) na mangkatahon, “Monang do hanami ibahen dilahnami, bibirnami do mangkasomani hanami, ise ma nani tuannami?”

5(12-6) Mangidah hasosakan ni halak na madoyuk pakon hoih ni halak na masombuh, ai do ase jongjong Ahu sonari, nini Jahowa, “Berehonon-Ku ma haluahon bani halak na mangarapkonsi.”

6(12-7) Sagala hata ni Jahowa hata na sintong do ai, usih songon pirak na nilala ibagas balanga, anjaha ipapitah pitu hali.

7(12-8) Ham Jahowa, sai parorot Ham ma sidea, sai ondingi Ham ma hanami marimbang bangsa on ronsi sadokah ni dokahni.

8(12-9) Inggot marhujai-hujon do halak parjahat, sanggah manomboh hajahaton i tongah-tongah ni anak ni jolma.


  Share Facebook  |  Share Twitter

 <<  Mazmur 12 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran