Dual PanelTonggo ni Halak na Tarbuang Mangkopkop Raja
1Bani pambobai koor. Marhasoman husapi. Humbani si Daud. (61-2) Tangihon Ham ma, ale Naibata, elek-elekku; parimbagaskon Ham ma tonggongku.
2(61-3) Humbani ujung ni tanoh on do dilo-dilo ahu Bamu ibagas uhurhu; togu Ham ma ahu hu dolog batu, na magijangtu bangku.
3(61-4) Ai Ham do parlingodan bangku, batar-batar na toguh dompak munsuh.
4(61-5) Sihol do ahu marianan bani lampolampo-Mu sadokah ni dokahni, sihol do ahu marlingod i toruh ni linggom ni habong-Mu. Sela.
5(61-6) Tongon, Ham Naibata, itangar Ham do bagah-bagahku, domma ibere Ham hu bangku parbagianan ni sihabiari goran-Mu.
6(61-7) Tambahi Ham ma ganjang ni ari-ari hubani goluh ni raja in, sai marsundut-sundut ma tahun ni goluhni.
7(61-8) Sai marhotak ma ia i lobei ni Naibata sadokah ni dokahni, idop ni uhur ampa hasintongan ma bahen Ham manramotkonsi.
8(61-9) Ase hudodingkon ma goran-Mu tongtong, anjaha hugalari bagah-bagahku ganup ari.