Maningon Sagala Bangsa do Mamuji Naibata
1Bani pambobai koor. Marhasoman husapi. Sada Psalm, sada doding. (67-2) Naibata ma na mangidopi hanami anjaha na mamasu-masu hanami, Ia ma na manondangkon bohi-Ni hu bennami,
2(67-3) ase ibotoh halak na i tanoh on dalan-Mu, anjaha ibotoh sagala bangsa hatuahon-Mu.
3(67-4) Sai pujion ni sagala bangsa do Ham, ale Naibata, sai pujion ni sagala bangsa do Ham.
4(67-5) Sai marmalas ni uhur anjaha marolob-olob do sagala bangsa, halani Ham do na manguhum bangsa-bangsa ibagas hapintoron, anjaha Ham do na manogu-nogu sagala bangsa i atas tanoh on. Sela.
5(67-6) Sai pujion ni sagala bangsa do Ham, ale Naibata, sai pujion ni sagala bangsa do Ham.
6(67-7) Domma ibere tanoh gogohni, ipasu-pasu Jahowa, Naibatanta do hita.
7(67-8) Ipasu-pasu Jahowa do hita, jadi mabiar ma ganup ujung ni tanoh on mangidah-Si.