Dual PanelSonang Ibagas Pangondingion ni Naibata
1Barang ise na hundul ibagas pangondingion ni Na Timbul in, anjaha marianan bani linggom ni Pargogoh Na So Tarimbang in,
2ia do na boi marsahap bani Jahowa: Haporusanku anjaha batar-batarhu, Naibatangku, anjaha hatengeran ni uhurhu.
3Tongon, ai Ia do na paluahkon ho humbani sambil ni parsambil pakon humbani pangagou ni sampar.
4Ia do na manrungkub ho bani ambulu-Ni, anjaha i toruh ni habong-Ni jumpah ho haporusanmu; hasintongan-Ni do gantar parlingodan.
5Seng pala habiaranmu songgot-songgot borngin, barang sior na habang arian;
6barang sampar na mawat-awat bani na golap, ampa naborit na mangagou tongah ari.
7Age radag saribu halak i lambungmu anjaha salaksa i siamunmu, seng tumaram mangonai anggo hubam.
8Asal mangkawah matamu, gabe idahonmu ma pambalason dompak parjahat.
9Ai ibahen ho do Jahowa haporusanmu, anjaha Na Timbul in gabe batar-batarmu.
10Seng anjai mangonai be bam hasamboron, barang hamagouan seng be roh mandohori lampolampomu.
11Ai suruhon-Ni do malekat-Ni halani ho, ase iramotkon ho bani sagala dalanmu;
12sai tatang-tatangon ni sidea do ho, ase ulang antuk naheimu bani batu.
13Dogeionmu do singa pakon ulog na marbisa, rojatanmu do anak ni singa ampa naga.
14Halani marpangunsandeian ia Bangku, jadi paluahon-Ku ma ia, patimbulon-Ku ma ia halani na tinandani goran-Ku.
15Diloonni do Ahu jadi balosan-Ku ma ia; paluahon-Ku do ia anjaha marmulia bahenon-Ku.
16Sai pabosuron-Ku do ia sayur matua, anjaha pataridahkonon-Ku hatuahon-Ku bani.