Alkitab Mobile SABDA
[VER] : [SIMALUNGUN]     [PL]  [PB] 
 <<  Zakharia 13 >> 

Paniapkon bani Parnaibataon na Legan ampa Nabi Sipakulah-kulah

1Bani ari ai adong ma sada bah tubuh ibuha bani ginompar ni si Daud ampa bani pangisi ni Jerusalem laho mamurihi sidea humbani dousa ampa habutakon.

2Bani ari ai, nini Jahowa Zebaot, “Siapkonon-Ku ma goran-goran ni naibata na legan hun tanoh on, ase ulang be taringat halak hujai; sonai homa nabi-nabi ampa tonduy na mabutak usiron-Ku do hun tanoh on.

3Anggo adong ope atap ise na manjahai songon nabi, hatahonon ni bapa atap inangni na manubuhkon ai ma bani, ʻSeng bulih be ho manggoluh, ai ihatahon ho do ladung marhitei goran ni Jahowa;ʼ anjaha bapani ampa inangni na manubuhkon ai ma na mamantomsi anggo manjahai ia.

4Bani ari ai maila ma sagala nabi marhitei panonggoranni sanggah na manjahai ia, seng be pakeionni baju na marambulu laho paoto-otohon,

5tapi hatahononni ma, ʻSeng nabi ahu, parjuma-juma do ahu, ai simada juma do ahu humbani haposoonku ope.ʼ

6Porini adong na manungkunsi, ʻUgah aha do na bani tontonmu in?ʼ Hatahononni ma, ʻNa hona bogbogan do ahu i rumah ni hasomanku.ʼ”

Hona Bogbog Parmahan Gabe Merap ma Biribiri

7“Misir ma, ale podang, dompak parmahan-Ku, dompak dalahi tang sindohor-Hu,” nini Jahowa Zebaot. “Hubogbog ma parmahan in, ase merap biribiri in, durdurhonon-Ku do tangan-Ku laho manogu halak na maetek.

8Masa ma bani ganup tanoh in,” nini Jahowa, “Siapkonon anjaha agouon-Ku ma dua partolu pangisini, tapi tebahonon-Ku do manggoluh na sapartolu nari.

9Na sapartolu ai pe nahkonon-Ku do hubagas apuy, laho papitahkon songon pirak; anjaha ujion do sidea songon panguji bani omas. Diloon ni sidea ma goran-Ku anjaha balosan-Ku ma sidea. Hatahonon-Ku ma, ʻBangsang-Ku do in;ʼ anjaha sidea pe hatahononni do, ʻJahowa do Naibatangku.ʼ”


  Share Facebook  |  Share Twitter

 <<  Zakharia 13 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel