1PANGERAN teh Raja. Mantenna diraksukan kaagungan jeung kakawasaan. Bumi teteg diadegkeun dina tempatna, moal kaoyag kagedag.
2Tahta Gusti ngadeg kiat ti awalna, nun PANGERAN, Gusti jumeneng ti jaman langgeng.
3Dasar samudra ngaluarkeun soara, nun PANGERAN, jumegurna beuki ngaguruh.
4Nanging Gusti anu kawasa di sawarga, nun PANGERAN, langkung rongkab ti batan jumegurna samudra, langkung perkosa ti batan ombak sagara.
5Hukum-hukum Gusti langgeng, nun PANGERAN, Bait Gusti estu suci, ngadeg salalanggengna.