Dual Panel1Urang Israil geus bisa ngarebut jeung ngeusian tanah wetaneun Walungan Yordan, ti semet Lebak Arnon terus nonggoh ka Lebak Yordan, terus ka kaler jauhna nepi ka Gunung Hermon. Dua raja di dinya geus eleh ku maranehna.
2Nu saurang ngaranna Sihon, raja urang Emor, marentahna di Hesbon. Karajaanana ngurung tanah Gilad sabeulah, mimiti ti Arur (di sisi Lebak Arnon) jeung ti kota anu aya di tengah eta lebak, jauhna nepi ka Walungan Yabok, anu jadi wates tanah Amon;
3ngurung oge Lebak Yordan mimiti ti Talaga Galilea, terus ngidul ka Bet Yesimot (wetaneun Laut Paeh), terus ka suku Gunung Pisga.
4Jeung geus ngelehkeun Raja Og ti Basan, turunan bangsa Repaim anu pangahirna, anu marentah di Astarot jeung Edrei.
5Karajaanana ngurung Gunung Hermon, tanah Salka jeung satanah Basan, ngawates ka tanah Gesur jeung tanah Maaka, ngurung oge saparona tanah Gilad, nepi ka wates daerah Raja Sihon, di Hesbon.
6Ieu dua raja geus dielehkeun ku Musa jeung urang Israil. Ari tanahna, ku Musa abdi PANGERAN tea, dibikeun ka kaom Rubin, ka kaom Gad jeung ka saparo kaom Menase, jadi milik maranehna.
7Ari anu dielehkeun ku Yosua jeung bangsa Israil, nya eta sakabeh raja anu di kuloneun Walungan Yordan, ti Baal Gad di Lebak Libanon terus ka Gunung Bulistir di beulah kidul, deukeut tanah Edom. Tanahna ku Yosua dibikeun ka kaom-kaom Israil, dijadikeun milikna anu tetep.
8Babagian eta tanah, ngurung anu di pagunungan, anu di suku gunung beulah kulon, anu di Lebak Yordan katut suku gunungna, anu di lamping-lamping beulah wetan, jeung tanah gundul di beulah kidul. Ieu wilayah teh urut urang Het, urang Emor, urang Kanaan, urang Pares, urang Hiwi jeung urang Yebus.
9Raja-raja anu areleh ku urang Israil tea, nagri-nagrina nya eta: Yeriho, Ai (deukeut Betel),
10Yerusalem, Hebron,
11Yarmut, Lakis,
12Eglon, Geser,
13Debir, Geder,
14Horma, Arad,
15Libna, Adulam,
16Makeda, Betel,
17Tapua, Heper,
18Apek, Lasaron,
19Madon, Hasor,
20Simron Maron, Aksap,
21Taanak, Megido,
22Kedes, Yoknam (di Karmel),
23Dor (di basisir), Goyim (di Galilea),
24jeung Tirsa. Kabehna tilu puluh hiji raja.