Alkitab Mobile SABDA
[VER] : [TAA]     [PL]  [PB] 
 <<  Roma 13 >> 

1Wali anu kita samparia mangaluluka songka mpomarenta. Apa tare pomarenta to si’a i Pue Allah mangawaika kuasanya. Samparia pomarenta to re’e paka napakatantuka i mPue Allah.

2Wali see naka tau to mangewa pomarenta, tau etu mangewa anu to napakatantuka i mPue Allah semo. Pasi tau to mangewa etu, sira darahuku.

3Wali ane kita mangika palaong to matao, kita taa meka resi pomarenta. Pei ane kita mangika palaong to maja’a, kita meka resi pomarenta. Wali ane kita rani taa meka resi pomarenta, anu kita mangika palaong to matao see sira masanang resi kita.

4Apa pomarenta, sira to papolaong i mPue Allah. Sira mapalaong see kita mangarata anu to matao. Pei ane kita mangika anu to maja’a, masipato kita meka resi pomarenta apa sira re’e kojo kuasa mangahuku kita. Naka pei sira re’e kuasa mangahuku tau apa sira to papolaong i mPue Allah to mampakarata huku i mPue Allah resi tau to mangika palaong to maja’a.

5Wali see naka kita taa maya taa mangaluluka songka mpomarenta. Kita mangaluluka see kita taa mangarata huku i mPue Allah. Pei si’a ojo etu, kita mangaluluka songka mpomarenta see raya ngkita taa mangepe sala.

6Pasi see naka kita seja mangabayar asele, apa pomarenta mangawakil i Pue Allah tempo sira mangika palaonginya.

7Wali anu kita mangawaika sira samparia to masipato rawaika. Ane tau to masipato mangantima asele, anu kita mangabayar asele etu. Ane tau to masipato mangantima anu to yusa, anu kita mangabayar anu to etu. Pasi ane tau to masipato rapakabae pasi ra’angga, anu kita mampakabae pasi manga’angga sira.

8Ne’e kita kainda resi sa’e kasimbalinya inda to re’e resi kita samparia. Etu semo kita taa maya taa masiporayang. Apa tau to mamporayang yununya, tau etu mangabanang porenta i Musa.

9Apa ri raya mporenta i Musa re’e porenta to manganto’o, “Ne’e masala, ne’e mampopate sa’e, ne’e malima, pasi ne’e mamporani anu nsa’e.” Wali samparia porenta etu pasi porenta to yusa-yusanya, paka nalulu ngkita ane kita mangalulu porenta to samba’a si’i, to’onya, “Porayang yunumu ewa nuika mamporayang koromu ngkalio.”

10Wali ane kita mamporayang yununta, kita taa kojo damangika anu to maja’a resi ia. Wali see naka kita ane mamporayang yununta, kita mangabanang porenta i Musa.

11Wali anu kita mangika palaong to etu, apa kita tansani palaong to tempo si’i. Apa mosumo temponya kita darapalaes yako ri lino si’i pei darakeni nto’u saruga. Wali anu kita mampakadota mangika palaong i mPue. Ne’e kita meyoko ewa tau to ojo yore-yore. Apa yako ri tempo kita owo mangaya i Pue seore rataka ri tempo si’i, kanjo’u-njo’u kamosu-mosu temponya kita darakeni nto’u saruga etu.

12Lino si’i raporapaka ewa ri raya mburi apa saba dosa, pei si’i-si’i ewa mosueomo. Tamo masae daeom. Wali anu kita mamposaka yau palaong to maja’a to raporapaka ewa mawuri, pei pake wo’u anu to masipato rapake ri raya ngkareme. Anu to etu raporapaka ewa parewa to naposunsuka ntentara to mangajagang koronya tempo ia yau damangewa balinya.

13Anu kita mangika lengko to matao, to masipato raika ri raya ngkareme. Ne’e siromu-romu ojo damanginu-nginu pasi kayangu. Ne’e masala pasi magoyal pasi mangika lengko to masipato rapokea. Pasi ne’e seja matingka pasi timopo pei kaloo.

14Pei anu kita mangika ewa wimba lengko i mPue Yesu Kerisitu. Ne’e kita ojo mampobuuka ewa wimba dataika mangabanang pampobuuka ngkita to masae.


  Share Facebook  |  Share Twitter

Download Audio MP3 (Roma 13):
Mobile (Low Quality) - CD (High Quality)

 <<  Roma 13 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel